ساپار بارىسىندا ۆەدومستۆو باسشىسىنىڭ ورىنباسارى جوندەۋ جۇرگىزىلگەن عيماراتتار مەن ءۇي-جايلاردى پايدالانۋعا قابىلداۋ جونىندەگى جەرگىلىكتى كوميسسيالاردىڭ قورىتىندىلارىمەن تانىستى. بۇگىندە لۋگوۆوي گارنيزونىندا 400-دەن استام اسكەري قىزمەتشى سياتىن ءۇش كازارمادا جۇمىس اياقتالدى. سونداي-اق قازاندىق, مونشا-كىر جۋ كەشەنى مەن ءۇش تۇرعىن ءۇي تولىقتاي جوندەۋدەن ءوتتى.
جۋالى اۋدانىندا اۋداندىق پايدالانۋ ءبولىمى جوندەۋ-قالپىنا كەلتىرۋ ۆزۆودىنىڭ كۇشىمەن اسكەري تەحنيكا مەن ماتەريالدىق قۇرالداردى ساقتاۋعا ارنالعان ەكى انگار تۇرعىزىلدى. بۇدان وزگە 100 ورىندىق اسحانانىڭ اعىمداعى جوندەۋى اياقتالدى.
«اسكەري ينفراقۇرىلىمدى جەتىلدىرۋ - قورعانىس ۆەدومستۆوسىنىڭ ماڭىزدى مىندەتتەرىنىڭ ءبىرى. كەڭ جانە ىڭعايلى كازارمالار مەن اسحانالار, اسكەري قالاشىقتاردىڭ ۇزدىكسىز جۇمىس ىستەيتىن تۇرعىن ءۇي-كوممۋنالدىق شارۋاشىلىعى اسكەري قىزمەتشىلەردىڭ جايلى قىزمەتى مەن ءومىرىنىڭ نەگىزى عانا ەمەس, سونىمەن قاتار جەكە قۇرامنىڭ جاۋىنگەرلىك دايىندىعىنىڭ ماڭىزدى فاكتورى», دەپ اتاپ ءوتتى تەكسەرۋ بارىسىندا گەنەرال-لەيتەنانت مۇحامەدجان تالاسوۆ.
تاياۋ كۇندەرى بىرقاتار گارنيزوندا جوندەۋ جۇمىستارى اياقتالاتىن نىساندار پايدالانۋعا بەرىلمەك.
