تالعار اۋدانى تجد مالىمەتىنشە, 17 جەلتوقساندا پوليتسياعا كەڭدالا اۋىلىنىڭ شەتىنەن ءمايىت تابىلعانى تۋرالى حابارلاما كەلىپ تۇسكەن. جەدەل ىزدەستىرۋ شارالارى بارىسىندا 18 جەلتوقسان كۇنى تاڭەرتەڭ اينالما كانال جولىنان شامامەن 1200 مەتر قاشىقتىقتان مارقۇمنىڭ كولىگى تابىلدى.
بەلگىلى بولعانداي, قىلمىسكەر ءىستى الدىن الا جانە مۇقيات ويلاستىرىپ قويعان. ول ءبىر رەتتىك ابونەنتتىك ءنومىردى, ۇيالى تەلەفوندى پايدالانعان, تەسۋ جانە كەسۋ قاسيەتى بار جوعارى ساپالى قارۋمەن قارۋلانعان, ادام ولتىرۋگە بولاتىن ورىندى بىلگەن, كولىكتى تاستاپ كەتۋگە بولاتىن جەردەن قاشىپ كەتۋ جولدارىن ويلاستىرعان.
كىسى ءولتىردى دەگەن كۇدىكتى الماتىدا 24 جەلتوقسان كۇنى كەشكە سەيفۋللين كوشەسىندە «مەگا» ساۋدا ورتالىعى عيماراتىنا قاراما-قارسى جەردە ۇستالدى. ۇستالعان ادام كىسى ءولتىرۋدى جەكە باس نيەتىمەن جاساعانىن مويىندادى.
كۇدىكتى تالعار اۋدانى پپ ۇقك-نە قامالدى. پوليتسەيلەر كىسى ءولتىرۋ كەزىندە ونىڭ ۇستىندەگى قان ىزدەرى بار كيىمدەردى تاۋىپ, تاركىلەگەن. سونداي-اق پىشاق الىندى. تەرگەۋ مۇددەسىندەگى باسقا اقپارات جاريا ەتىلمەيدى.
