جەرلەستەرىمىز كەزدەسۋدىڭ العاشقى مينۋتتارىن ءساتتى باستاعانىمەن, كەيىننەن ويىن تىزگىنىن قارسىلاستارىنا بەرىپ قويدى. ماتچتىڭ ءۇشىنشى مينۋتىندا كيريلل ساۆيتسكي ەسەپتى اشسا, 12-مينۋتتا اناتولي گولىشەۆ تارازى باسىن تەڭەستىرىپ ۇلگەردى. ەكىنشى كەزەڭدى «اۆتوموبيليست» حوككەيشىلەرى ءساتتى باستادى. العاشقى ءتورت مينۋتتا سەرگەي شيروكوۆ پەن دانيل رومانتسەۆ ەكى مارتە مەرگەندىك تانىتىپ, قوناقتار ءا دەگەننەن ەسەپتە العا ۇزاپ كەتتى – 3:1. دەگەنمەن «بارىس» حوككەيشىلەرى تەز ارادا قارىمتا قايتارىپ, ۇزىلىسكە دەيىن تابلوداعى كورسەتكىشتىك تەڭەستىردى. جەرلەستەرىمىزدەن مايكل شاپيۋ مەن نيكيتا ميحايليس مەرگەندىك تانىتتى. ءۇشىنشى كەزەڭدە ەكى كوماندانىڭ ويىنشىلارى دا ءبىر-ءبىر مارتەدەن كوزگە ءتۇسىپ, ويىن وۆەرتمايعا ۇلاستى.
بىراق قوسىمشا مينۋتتا دا شايبا سوعىلماعان سوڭ, جەڭىمپاز كوماندانىڭ ەسىمى بۋلليتتەر سەرياسىندا انىقتالدى. بۇل سىندا ەلوردالىقتاردىڭ باعى جاندى. جەڭىس گولىن نيكيتا ميحايليس سوقتى.
