دۇنيەجۇزىلىك رەيتينگتە 12-ورىنعا جايعاسقان گەرمانيالىق الەكساندر زۆەرەۆ, 2020 جىلعى اقش اشىق بىرىنشىلىگىنىڭ جەڭىمپازى اۋستريالىق دومينيك تيم جانە توكيو وليمپياداسىنىڭ جۇپتىق سىنداعى جەڭىمپازى رەسەيلىك اناستاسيا پاۆليۋچەنكوۆامەن «قارشىعالار» (Hawks) توبىندا ونەر كورسەتكەن جەرلەسىمىز جارىس بارىسىندا بارلىق قارسىلاسىن تىزە بۇكتىردى.
سونىڭ ىشىندە الەمنىڭ ءبىرىنشى راكەتكاسى, بيىلعى US Open جانە Roland Garros تۋرنيرلەرىنىڭ جەڭىمپازى يگا شۆەنتەك تە بار. ءبىر ساعاتقا جالعاسقان ماتچتا رىباكينا ەكى سەتتە – 6:3, 6:1 ەسەبىمەن باسىم ءتۇستى. ەكى تەننيسشى بۇعان دەيىن كورتتا ءبىر مارتە كەزدەسىپ, ول ماتچ شۆەنتەكتىڭ جەڭىسىمەن اياقتالعان ەدى. بىلتىر چەحيانىڭ وستراۆا قالاسىندا وتكەن باسەكەدە يگا 7:6, 6:2 ەسەبىمەن جەڭىسكە جەتكەن. سونداي-اق ەلەنا دۋبايداعى دودادا بەلارۋسيالىق ارينا سوبولەنكو (5-راكەتكا), فرانتسيالىق كارولين گارسيا (4) جانە جۇپتىق سىندا زۆەرەۆپەن بىرگە كانادالىقتار – فەليكس وجە-الياسسيم مەن ەجەني بۋشاردى ۇتتى.
