دەپۋتاتتاردىڭ تالقىلاۋىنا ءبىرىنشى وقىلىمدا اكىمشىلىك قۇقىق بۇزۋشىلىق تۋرالى كودەكسكە جەرلەردىڭ پايدالانىلۋى مەن قورعالۋىن مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى زاڭ جوباسى ۇسىنىلادى.
ءتيىستى زاڭ جوباسىندا جەر زاڭناماسىنىڭ جەكەلەگەن نورمالارىن بۇزعانى ءۇشىن اكىمشىلىك جاۋاپكەرشىلىك بەلگىلەۋ جانە جەردىڭ پايدالانىلۋى مەن قورعالۋىنا مەملەكەتتىك باقىلاۋدى جۇزەگە اسىراتىن ورگاندارعا اكىمشىلىك ىستەردى قاراۋ جانە ءتيىستى جازا قولدانۋ وكىلەتتىكتەرىن بەرۋ كوزدەلگەن.
سونىمەن قاتار كۇن ءتارتىبىنىڭ جوباسىندا ەۋرازيالىق ەكونوميكالىق وداققا مۇشە مەملەكەتتەر بيۋدجەتتەرىنىڭ كىرىسىنە اۋدارۋ ءتارتىبىن ساقتاۋ ماسەلەلەرى بويىنشا بىرلەسكەن باقىلاۋ ءىس-شارالارىن وتكىزۋ تۋرالى كەلىسىمدى راتيفيكاتسيالاۋ تۋرالى زاڭ جوباسى بار.
الداعى جالپى وتىرىستا دەپۋتاتتار بىرقاتار زاڭ جوباسىن جۇمىسقا الادى. بۇل –اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر, ەكولوگيالىق تازا كولىكتى تانىمال ەتۋ جانە ەلەكتروموبيلدەرگە ارنالعان ينفراقۇرىلىمدى دامىتۋ ماسەلەلەرى تۋرالى جانە رەزەرۆتەگى قىزمەت ماسەلەلەرى تۋرالى زاڭ جوبالارى.
