قازاقستاننىڭ ساۋدا راسىمدەرىن وڭايلاتۋ بويىنشا مىندەتتەمەلەرىن ورىنداۋ, سونداي-اق مەملەكەتتىك قىزمەتتەر كورسەتۋ ينفراقۇرىلىمىن دامىتۋ ماقساتىندا 2019 جىلعى ناۋرىزدا ەكسپورتتىق-يمپورتتىق وپەراتسيالار بويىنشا «بىرىڭعاي تەرەزە» پورتالى ەنگىزىلدى. ونى ىسكە قوسۋ حالىقارالىق ۇيىمداردىڭ ۇسىنىمدارى بويىنشا كەزەڭ-كەزەڭىمەن جۇزەگە اسىرىلدى.
«بىرىڭعاي تەرەزە» پورتالىنىڭ نەگىزگى ماقساتى – بۇرىن ءارتۇرلى اقپاراتتىق جۇيەلەردە بولعان اقپارات پەن فۋنكتسيالاردى ءبىر جەردە بىرىكتىرۋ.
بيىل «ەكسپورتتىق-يمپورتتىق وپەراتسيالار بويىنشا بىرىڭعاي تەرەزە» اقپاراتتىق جۇيەسىن دامىتۋ جانە فۋنكتسيونالمەن تولىقتىرۋ جالعاستىرىلدى.
ماسەلەن, مەملەكەتتىك قىزمەتتەردى اۆتوماتتاندىرۋ شەڭبەرىندە كەدەن ءىسى سالاسىندا مىناداي قىزمەتتەردى ەلەكتروندىق تۇردە كورسەتۋگە كوشۋ بويىنشا جۇمىس جۇرگىزىلدى:
- «ۋاقىتشا ساقتاۋ قويمالارى يەلەرىنىڭ تىزىلىمىنە ەنگىزۋ»;
- ء«وز تاۋارلارىن ساقتاۋ قويمالارى يەلەرىنىڭ تىزىلىمىنە ەنگىزۋ»;
- «كەدەن قويمالارى يەلەرىنىڭ تىزىلىمىنە ەنگىزۋ»;
- «ەركىن قويمالار يەلەرىنىڭ تىزىلىمىنە ەنگىزۋ»;
- «كەدەن وكىلدەرىنىڭ تىزىلىمىنە ەنگىزۋ»;
- «ۋاكىلەتتى ەكونوميكالىق وپەراتورلاردىڭ تىزىلىمىنە ەنگىزۋ»;
- «باجسىز ساۋدا دۇكەندەرىنىڭ تىزىلىمىنە ەنگىزۋ»;
- «زياتكەرلىك مەنشىك وبەكتىلەرىنىڭ كەدەندىك تىزىلىمىنە ەنگىزۋ»;
- «كەدەندىك تاسىمالداۋشىلار تىزىلىمىنە ەنگىزۋ».
وسى جىلدىڭ سوڭىنا دەيىن «كەدەندىك باجداردى, سالىقتاردى تولەۋدى قامتاماسىز ەتۋدى تىركەۋگە ءوتىنىش» ءمودۋلىن ىسكە قوسۋ جوسپارلانۋدا.
ۋاكىلەتتى مەملەكەتتىك ورگاندارمەن بىرلەسىپ سايكەستىكتى باعالاۋ تۋرالى قۇجاتتاردى (قر سيم ترمك), جابايى جانۋارلاردى/وسىمدىكتەردى تاسىمالداۋعا رۇقساتتاردى (قر ەگترم), باعالى مەتالدارعا/تاستارعا مەملەكەتتىك باقىلاۋ اكتىلەرىن (قر يدم يدك) بەرۋ جونىندەگى كومپونەنتتەردى تەستىلەۋ, سونداي-اق ەاەو-عا مۇشە مەملەكەتتەردىڭ بىرىڭعاي كەدەندىك تىزىلىمدەرىن قالىپتاستىرۋ ءۇشىن جالپى پروتسەستەرگە قوسىلۋ بولىگىندە ەۋرازيالىق ەكونوميكالىق كوميسسيانىڭ اقپاراتتىق جۇيەسىمەن ينتەگراتسيالاۋ جونىندەگى ءىس-شارالار اياقتالىپ جاتىر.
سونىمەن قاتار «بىرىڭعاي تەرەزە» پايدالانۋشىلارىنا:
- اقپاراتتىق بولىمدەرى بار «بىرىڭعاي تەرەزە» پورتالى;
- سىرتقى ەكونوميكالىق قىزمەتتىڭ تاۋارلار نومەنكلاتۋراسىن جىكتەۋ بويىنشا, شىعارىلعان ەلى, جينالماعان/بولشەكتەلگەن تاۋارلار بويىنشا الدىن الا شەشىمدەر الۋ;
- اكەلىنەتىن تاۋارلاردىڭ كەدەندىك قۇنىن ايقىنداۋ ادىستەرىن قولدانۋ ماسەلەلەرى بويىنشا الدىن الا شەشىم الۋ;
- تىركەلمەگەن پەستيتسيدتەردى اكەلۋگە قر اشم رۇقساتتارىن الۋ;
- سايكەستىكتى راستاۋ جونىندەگى ورگاندار بەرەتىن سايكەستىك تۋرالى سەرتيفيكاتتار مەن دەكلاراتسيالاردى الۋ (قر سيم ترمك);
- قر دسم سەبك بەرەتىن مەملەكەتتىك تىركەۋ تۋرالى كۋالىكتەردى الۋ;
- VIN-كود بويىنشا اۆتوكولىك قۇرالدارىن كەدەندىك تازارتۋ فاكتىسىن تەكسەرۋ قولجەتىمدى.
راستايتىن قۇجاتتار مەن مالىمەتتەردى بىرنەشە رەت ۇسىنۋ قاجەتتىلىگىن بولدىرماۋ ءۇشىن قازىرگى ۋاقىتتا بوگدە جۇيەلەرمەن 17 ينتەگراتسيا ىسكە اسىرىلدى.
ىسكە اسىرىلعان ينتەگراتسيالار مالىمدەلگەن مالىمەتتەر مەن ۇسىنىلعان قۇجاتتاردى باسقا جۇيەلەردەن اۆتوماتتى تۇردە تەكسەرۋگە مۇمكىندىك بەردى.
پايدالانۋشىلاردىڭ قولايلىلىعى ءۇشىن ەلەكتروندىق پوشتا جانە سمس-حابارلامالار ارقىلى قىزمەت كورسەتۋ مارتەبەسى تۋرالى حابارلاما الۋ مۇمكىندىگى ىسكە اسىرىلدى.
