شقو تجد ءباسپاسوز قىزمەتى حابارلاعانداي, وقيعا ورنىندا گاز-تۇتىننەن قورعاۋ قىزمەتىنىڭ ەكى بۋىنى قۇرىلدى. ولار 35 جاستاعى ايەلگە جانە 48, 40 جانە 34 جاستاعى ءۇش ەر ادامعا كومەكتەستى. دارىگەرلەر زارداپ شەككەندەردى تەكسەرىپ, ۇيگە جىبەردى.
ءورت الاڭى 90 شارشى مەتردى قۇرادى.
ء«ورتتىڭ سەبەبى - سوندىرىلمەگەن تەمەكى بولىپ شىقتى. الدىمەن ۆەراندا ورتەنىپ, كەيىن ءورت بىردەن ءۇيدىڭ شاتىرىنا تارادى. ءورتتى جويۋعا جەكە قۇرامنىڭ 19 ادامى مەن 5 تەحنيكا جۇمىلدىرىلدى», دەلىنگەن حابارلامادا.
بۇل رەتتە شقو تجد كەلەسى قاۋىپسىزدىك شارالارىن ۇسىنادى:
- ۇيدەن شىقپاس بۇرىن ارقاشان پەشتىڭ وشىرىلگەنىن تەكسەرىڭىز, اشىق وتتى قاراۋسىز قالدىرماڭىز;
- توسەكتە تەمەكى شەگۋدىڭ جامان ادەتىنە ەرەكشە نازار اۋدارۋ كەرەك, بۇل جازاتايىم وقيعالار مەن ورتتەرگە اكەلەدى.
- ءورت انىقتالعان جاعدايدا بۇل تۋرالى 101 نەمەسە 112 تەلەفوندارى ارقىلى دەرەۋ حابارلاۋ قاجەت. ديسپەتچەرگە ناقتى مەكەن-جاي بەرىپ, نە بولعانىن حابارلاڭىز دا پاتەردەن نەمەسە ۇيدەن تەز ارادا شىعىڭىز.
