دەنساۋلىق ساقتاۋ ءمينيسترىنىڭ ورىنباسارى ۆياچەسلاۆ دۋدنيكتىڭ ايتۋىنشا, ەلىمىزدە جرۆي جانە تۇماۋ جۇقتىرعاندار سانى كۇرت كوبەيگەن.
«سانيتارلىق قىزمەتتىڭ مالىمەتىنشە, ەپيدەميا باستالعالى بەرى, ياعني 1 قازاننان باستاپ جرۆي-ءدىڭ 2 ملن 100 مىڭنان استام جاعدايى تىركەلدى. ونىڭ ىشىندە 14 جاسقا دەيىنگى بالالار اراسىندا - 1 ملن 370 مىڭ جاعداي انىقتالدى. ءبىز پاتوگەندى زەرتتەدىك. ناتيجەسىندە, ۆ توبىنداعى ۆيرۋس تارالىپ, ول بارلىق دەرلىك ايماقتاردا بايقالاتىنى انىقتالدى. سونداي-اق سۋىق تيۋمەن سىرقاتتانۋشىلىقتىڭ ءوسۋى وتكەن جىلعى كورسەتكىشتەردەن ورتا ەسەپپەن 10%-عا جوعارى», دەپ ناقتىلادى ءمينيستردىڭ ورىنباسارى بريفينگ بارىسىندا.
