باعدارلاما بويىنشا نەسيەلەۋ ءۇشىن 2023 جىلى 100 ملرد تەڭگەگە دەيىن قاراجات بولىنەدى.
ۇلتتىق بانك وكىلدەرى اتاپ وتكەندەي, باعدارلاما بويىنشا جىل سايىنعى كرەديتتەۋدىڭ ناقتى كولەمى بانكتەردىڭ نارىقتىق يپوتەكالىق ونىمدەرىنىڭ بولۋى مەن دامۋىنا بايلانىستى بولادى.
«جەڭىلدەتىلگەن نەسيەلەندىرۋمەن بارىنشا كوپ ازاماتتاردى قامتۋ ماقساتىندا باعدارلامانى ىسكە اسىرۋدىڭ جەكەلەگەن شارتتارى قايتا قارالدى. اتاپ ايتقاندا, ءبىر قارىز الۋشى باعدارلاماعا ءبىر رەتتەن ارتىق قاتىسا المايدى», دەلىنگەن ۇلتتىق بانك حابارلاماسىندا.
بۇل رەتتە باعدارلاما شەڭبەرىندە بەرىلەتىن يپوتەكالىق تۇرعىن ءۇي قارىزدارىنىڭ پارامەترلەرى وزگەرىسسىز قالادى (باستاپقى جارنانىڭ ەڭ تومەنگى مولشەرى, قارىزدىڭ ەڭ جوعارى سوماسى, سىياقى مولشەرلەمەسى, قارىز مەرزىمى, وڭىرلەر بولىنىسىندە ساتىپ الىناتىن تۇرعىن ءۇيدىڭ ەڭ جوعارى قۇنى).
ەسكە سالا كەتسەك, «7-20-25» يپوتەكالىق باعدارلاماسى 2018 جىلدىڭ جازىندا ىسكە قوسىلدى. الەۋمەتتىك باعدارلاما قازاقستاندىقتارعا نەسيەلەۋدىڭ ءتيىمدى شارتتارىنىڭ ارقاسىندا تۇرعىن ءۇي جاعدايلارىن جاقسارتۋعا كومەكتەستى.
2021 جىلدىڭ 19 مامىرىندا قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا «7-20-25» باعدارلاماسىن قارجىلاندىرۋ اياقتالعانىن مالىمدەگەن ەدى.
