اتالعان كەشتە جەڭىل سالماقتا (61,2 كيلو) ونەر كورسەتەتىن ابىلايحان قۇسايىنوۆ شارشى الاڭعا شىعادى. بۇل – قازاقستاندىق بىلعارى قولعاپ شەبەرىنىڭ ءۇش جىلدان كەيىنگى العاشقى جەكپە-جەگى بولماق. وتانداسىمىز ەڭ كەيىنگى رەت رينگكە 2020 جىلدىڭ اقپان ايىندا كوتەرىلگەن بولاتىن. مەكسيكانىڭ تيحۋانا قالاسىندا وتكەن بوكس كەشىندە ول جەرگىلىكتى سپورتشى ماۋرو لورەتونى ەكىنشى راۋندتا سۇلاتىپ سالعان ەدى. 2016 جىلدان بەرى كاسىپقوي بوكستا باق سىناپ جۇرگەن ابىلايحان قۇسايىنوۆ بۇگىنگە دەيىن 11 جەكپە-جەك وتكىزىپ, سونىڭ سەگىزىندە قارسىلاسىن مەرزىمىنەن بۇرىن ۇتتى.
الماتىداعى جەكپە-جەكتە ا.قۇسايىنوۆ تاجىكستاندىق باحتوۆار ساگيزوۆپەن (0-3) جۇدىرىقتاسادى. ال بوكس كەشىنىڭ باستى ايقاسىندا ءبىرىنشى جارتىلاي ورتا سالماقتاعى قانداسىمىز باتىر جۇكەمباەۆ ونەر كورسەتەدى.
