سپيكەردىڭ ايتۋىنشا, ينۆەستورلاردى ءبىلىم بەرۋ سالاسى قىزىقتىرادى. سوڭعى 2 جىلدا مەملەكەتتىك قولداۋ شارالارىنىڭ ارقاسىندا ينۆەستورلار 7 مەكتەپ سالىپ, 6 مىڭ وقۋشى ورنى قۇرىلدى.
ء«بىلىم بەرۋ نىساندارى ءمجا تەتىگى بويىنشا دا ىسكە اسىرىلۋدا, ونىڭ شەڭبەرىندە قالادا 20 مىڭ جاڭا وقۋشى ورنىن قۇرۋعا مۇمكىندىك بەرگەن 6 جالپى ءبىلىم بەرەتىن مەكتەپ سالىندى. جەكە ينۆەستورلار ەسەبىنەن دەنساۋلىق ساقتاۋ جانە سپورت نىساندارى دا سالىنۋدا. باستى ماقسات – ءاربىر تۇرعىن ءۇشىن قولجەتىمدىلىك جانە حالىققا ساپالى قىزمەت كورسەتۋ. اتالعان ينۆەستيتسيالىق جوبالاردى ىسكە اسىرۋ ەلوردا بيۋدجەتى ءۇشىن وڭ اسەر ەتەدى», دەپ اتاپ ءوتتى ە. بەكمۇرزاەۆ.
2022 جىلى ەلوردادا ۇستەل تەننيسى ورتالىعى ىسكە قوسىلدى, ينۆەستور جوبانى ىسكە اسىرۋعا 2 ملرد تەڭگەدەن استام قاراجات سالدى. كەلەسى جىلى جالپى ينۆەستيتسيا كولەمى 5,5 ملرد تەڭگەنى قۇرايتىن كوپفۋنكتسيونالدى بالالار مەن جاسوسپىرىمدەر سپورت ورتالىعىنىڭ, سونداي-اق 600 ملن تەڭگەگە دزيۋدو ورتالىعىنىڭ قۇرىلىسى اياقتالادى.
سونداي-اق قالا تۇرعىندارىنىڭ ءوتىنىشى بويىنشا ەلوردانىڭ سول جاعالاۋىندا جەكە ينۆەستور وقۋشىلار سارايىنىڭ قۇرىلىسىن جۇرگىزۋدە. ونى كەلەسى جىلى ىسكە قوسۋ جوسپارلانىپ وتىر.
«مۇمكىندىگى شەكتەۋلى جانداردىڭ جاتتىعۋىنا جاعداي جاساۋ ماقساتىندا پاراليمپيادالىق جاتتىعۋ ورتالىعى مەن «تارلان» مۇز ارەناسىنىڭ قىزمەتىن ۇيىمداستىرۋ بويىنشا ءمجا شارتى جاسالدى. نىساندار ەرەكشە فيزيكالىق مۇمكىندىكتەرى بار ادامدارعا تولىعىمەن بەيىمدەلگەن. بۇگىنگى تاڭدا سپورت نىساندارىنا 1, 2, 3 مۇگەدەكتىك توبى بار 1 563 ادام جانە 650 بالا كەلەدى», دەپ تولىقتىردى سپيكەر.
حالىق سانىنىڭ ءوسۋ قارقىنى قالانىڭ ازىق-ت ۇلىككە دەگەن قاجەتتىلىگىن ارتتىرادى. سوندىقتان قازىر اگروونەركاسىپتىك كەشەن سالاسىنداعى جوبالار بويىنشا جۇمىستار جۇرگىزىلۋدە. بۇل سالادا جالپى ينۆەستيتسيا سوماسى 86,9 ملرد تەڭگەنى قۇرايتىن 22 ينۆەستيتسيالىق جوبا ىسكە اسىرىلۋدا.
