دەپۋتاتتار وتىرىس بارىسىندا بالىق شارۋاشىلىعى ەل ەكونوميكاسىنا, شاعىن جانە ورتا بيزنەستى دامىتۋعا, حالىقتىڭ تۇرمىسىن جاقسارتۋعا ىقپال ەتەتىن الەۋەتى زور اۋىل شارۋاشىلىعى سالاسى ەكەنىن اتاپ ءوتتى. وعان قوسا, بالىق اۋلاۋ, ونى قورعاۋ, ءوسىرۋ, وڭدەۋ جانە تاسىمالداۋ, بالىق ونىمدەرىن ەكسپورتتاۋ جانە يمپورتتاۋ ەلىمىزدىڭ ازىق-ت ۇلىك قاۋىپسىزدىگىنە دە اسەر ەتەدى.
«سوڭعى جىلدارى بالىق شارۋاشىلىعىنا مەملەكەتتىك قولداۋ كورسەتۋدىڭ ارقاسىندا بالىق شارۋاشىلىعىمەن اينالىساتىن سۋبەكتىلەر سانى كوبەيدى جانە بالىق ءوسىرۋ كولەمى دە ۇلعايعانىن ايتا كەتكەن ءجون. بىراق بۇگىنگى قىزۋ جانە اشىق پىكىرتالاستا وسى سالادا بىرقاتار شەشىلمەگەن ماسەلەلەر بار ەكەنى انىقتالىپ وتىر. ءبىز ءوز تاراپىمىزدان جۇكتەلگەن مىندەتتەردى ورىنداۋ ءۇشىن بار كۇش-جىگەرىمىزدى سالاتىنىمىزعا سەنىمدىمىن», دەدى سەناتور ءالي بەكتاەۆ.
كەزدەسۋگە ەكولوگيا, گەولوگيا جانە تابيعي رەسۋرستار ءمينيسترىنىڭ ورىنباسارى ءاليا شالابەكوۆا, سالالىق مەملەكەتتىك مەكەمەلەردىڭ باسشىلارى مەن وكىلدەرى, وبلىس اكىمدەرىنىڭ ورىنباسارلارى جانە وسى سالاداعى ماماندار قاتىستى.
سەناتورلار وتىرىس قورىتىندىسى بويىنشا ءتيىستى مەملەكەتتىك ورگاندارعا جىبەرەتىن ۇسىنىمدار پاكەتىن ازىرلەيدى.
