انتيكور مالىمەتىنشە, جابىرلەنۋشىگە كەلتىرىلگەن زالال سوماسى 6,6 ملرد تەڭگەدەن اسادى.
15 جەلتوقساندا قىلمىستىق ءىس ايىپتاۋ اكتىسىمەن بىرگە پروكۋراتۋراعا كۇدىكتىلەردى سوتقا بەرۋ تۋرالى ماسەلەنى شەشۋ ءۇشىن جىبەرىلدى.
ساتىبالدى گۇلميرا جانە ونىڭ باقىلاۋىنداعى «اريا-جاڭا استانا» جشس كومپانياسىنىڭ باسشىلىعى, سونداي-اق مەملەكەتتىك ورگانداردىڭ لاۋازىمدى تۇلعالارى وبەكتىلەردى سالۋعا بولىنگەن بيۋدجەت قاراجاتىن ۇرلادى دەگەن كۇدىككە ءىلىندى.
تەرگەۋ ساتىسىندا مەملەكەتكە كەلتىرىلگەن زالال تولىعىمەن وتەلدى. وسى فاكت بويىنشا سوتقا دەيىنگى تەرگەۋ اياقتالىپ, ءىس كۇدىكتىلەر مەن ولاردىڭ ادۆوكاتتارىنا تانىسۋعا بەرىلدى.
ساتىبالدى گۇلميراعا قاتىستى بيزنەستى باسىپ الۋدىڭ جانە زاڭسىز باس بوستاندىعىنان ايىرۋدىڭ باسقا ەپيزودتارى بويىنشا تەرگەۋ جالعاسىپ جاتىر.
