قۇجاتقا قوس ۆەدومستۆو باسشىسى گەنەرال-پولكوۆنيك رۋسلان جاقسىلىقوۆ پەن ءمادينا ابىلقاسىموۆا قول قويدى.
قورعانىس ۆەدومستۆوسىنىڭ بۇل باستاماسى مەرزىمدى قىزمەتتەگى اسكەري قىزمەتشىلەرگە اسكەري قىزمەت وتكەرۋ كەزەڭىندە ءوز نەسيەلەرىن ۇمىتۋعا مۇمكىندىك بەرەدى.
نەسيەلەر بويىنشا تولەمدەردى كەيىنگە قالدىرۋ بارلىق بانكتەرمەن جانە ميكروقارجى ۇيىمدارىمەن ساربازداردىڭ بارلىق اقشالاي قارىزدارىن توقتاتا تۇرۋ كوزدەلەدى.
مەموراندۋمدى ىسكە اسىرۋ ءۇشىن قورعانىس مينيسترلىگىنىڭ اگەنتتىكپەن جانە قارجى ۇيىمدارىمەن ءوزارا ءىس-قيمىلىنىڭ ارنايى الگوريتمى ازىرلەندى. وسىعان سايكەس, شاقىرۋ ناۋقانى كەزىندە بولاشاق وتان قورعاۋشىلاردىڭ جينالعان بانكتىك قارىزدارى مەن شاعىن نەسيەلەرى تۋرالى مالىمەتتەر بىردەن قارجى نارىعىن رەتتەۋ جانە دامىتۋ اگەنتتىگىنە جىبەرىلەتىن بولادى.
وسى دەرەكتەردىڭ نەگىزىندە كرەديتورلار نەگىزگى بورىش پەن سىياقى بويىنشا تولەمدەردى كەيىنگە قالدىرۋ جانە بەرەشەكتى ءوندىرىپ الۋدىڭ بارلىق نىساندارىن توقتاتا تۇرۋ ماسەلەلەرىن پىسىقتايدى.
تولەمدەردى كەيىنگە قالدىرۋ كەزەڭىندە كرەديتور سوتقا بەرۋدى, بەرەشەكتى ءوندىرىپ الۋ ماقساتىمەن اتقارۋشىلىق جازبا جاساۋ ءۇشىن نوتاريۋسقا جۇگىنۋدى, تۇرعىن ءۇيدى ساتۋدى, قارىز الۋشىنىڭ وتباسىن پاتەردەن شىعارۋدى توقتاتا تۇرادى. سونداي-اق سوت اكتىلەرىنە سايكەس كرەديتور بەرەشەكتى ءوندىرىپ الۋدىڭ بارلىق نىساندارىن توقتاتۋعا مىندەتتەلەدى.
جالپى, مەموراندۋم قارجىلىق قىزمەتتەردى تۇتىنۋشىلاردىڭ زاڭدى مۇددەلەرىن ۋاقتىلى قورعاۋعا باعىتتالعان. ول سونداي-اق اسكەري قىزمەتتىڭ بەلگىلەنگەن مەرزىمىن وتكەرۋ كەزەڭىندە مەرزىمدى قىزمەتتەگى اسكەري قىزمەتشىلەردىڭ قارىزدارى مەن شاعىن نەسيەلەرى بويىنشا مىندەتتەمەلەردى ورىنداي الماۋىنا بايلانىستى تۋىندايتىن الەۋمەتتىك شيەلەنىستى جويۋعا ىقپال ەتەدى.
