ولار قازاقستان رەسپۋبليكاسى قارۋلى كۇشتەرىنىڭ قاتارىنا كىرە وتىرىپ, ءتۇرلى اسكەري ماماندىقتاردى يگەرىپ, وتانىمىزدىڭ اۋە شەپتەرىن قورعاۋ جولىندا بورىشىن ابىرويمەن ورىندايدى.
- قىزمەت ەتكەن ون ەكى اي ىشىندە وفيتسەرلەر مەن سەرجانتتىق قۇرامنىڭ, سونداي-اق وزدەرىڭىزدىڭ ەڭبەكقورلىعىڭىز بەن جاۋاپكەرشىلىگىڭىزدىڭ ارقاسىندا كەز كەلگەن ۋاقىتتا ءبىزدىڭ اۋە شەپتەرىمىزدى قورعاۋعا دايىن ناعىز جاۋىنگەر بولىپ شىعاتىندارىڭىزعا بەرىك سەنىمدىمىن. سىزدەرگە دەنساۋلىق, اماندىق جانە تابىستى قىزمەت تىلەيمىن! - دەپ تۇيىندەدى پولكوۆنيك ورىناسار جۇبانوۆ.
قوستاناي وبلىستىق قورعانىس ىستەرى دەپارتامەنتىنىڭ جيىن پۋنكتىندە تاجىريبەلى دارىگەرلەر مەن پسيحولوگتار ولاردىڭ مورالدىق-پسيحولوگيالىق جاعدايى مەن دەنساۋلىعىن انىقتاي وتىرىپ, مۇقيات ىرىكتەۋ جۇرگىزدى.
ال اسكەري بولىمگە كەلگەننەن كەيىن ءبىر اي ىشىندە اسكەرگە شاقىرىلۋشىلار جاس تولىمنىڭ جيىنى باعدارلاماسى بويىنشا كۋرستان ءوتتى. ول كەزدە ولار قىزمەت وتكەرەتىن ءبولىمنىڭ تاريحى مەن داستۇرلەرىمەن تانىستى, تەحنيكا مەن قارۋ-جاراقتىڭ تاكتيكالىق-تەحنيكالىق سيپاتتامالارىن, ساپتىق, مەملەكەتتىك-قۇقىقتىق جانە اتىس دايارلىعىنىڭ نەگىزدەرىن زەردەلەدى.
اسكەري انت قابىلداعاسىن, ساربازداردىڭ اتا-انالارىنا ەكسكۋرسيا ۇيىمداستىرىلدى.
