«ريددەردەگى جەو-دا التى قازاندىق بار, ونىڭ ۇشەۋى ورتاشا, ەكەۋى جوعارى قىسىمدى. ونىڭ ۇستىنە وسى التى قازاندىقتىڭ ەكەۋى جوعارى قىسىمدى مەتالل سىنىقتارى كۇيىندە بولعان, ولاردا كابەل مەن سىم مۇلدەم جوق. قالعان ءتورت قازاندىق, وكىنىشكە قاراي, ەڭ ناشار جاعدايدا بولدى», دەدى دانيال احمەتوۆ ۇكىمەتتىڭ كەڭەيتىلگەن وتىرىسىندا.
ول كۇردەلى شارالار قولعا الىنعانىن, سونىمەن قاتار جۇمىسقا 150-دەن استام قىزمەتكەر تارتىلعانىن ايتتى.
«بۇگىندە جاعداي تۇراقتاندى, ونىڭ ۇستىنە مەن ايتقان ەكى قازاندىقتىڭ ىشىندە ءتورتىنشى جوعارى قىسىمدى قازاندىق ىسكە قوسىلدى, بەسىنشىسىندە جۇمىستى جالعاستىرىپ جاتىرمىز, ول ىسكە قوسىلادى. ءبىر اپتادان كەيىن پايدالانۋعا بەرىلەدى. ريددەر قالاسىن جىلۋمەن قامتاماسىز ەتەتىنىمىزدى ناقتى بىلەمىز», دەپ قوستى احمەتوۆ.
