تۇركىستان وبلىسى ءىىد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى جۇرگىزگەن جەدەل-ىزدەستىرۋ ءىس-شارالارى بارىسىندا كۇدىكتى سارىاعاش اۋدانىنىڭ تۇرعىنىن ۇستادى. ونىڭ ءۇيىن ءتىنتۋ كەزىندە پوليتسەيلەر ەسىرتكى زاتىنا ۇقسايتىن ءۇش پوليەتيلەن پاكەت تاركىلەدى.
تەكسەرۋ كەزىندە كۇدىكتى ەسىرتكىنى كەلەس وڭىرىندەگى دوسىنان العانى بەلگىلى بولدى. الىنعان مالىمەت بويىنشا, تەرگەۋشىلەر دەرەۋ شارا قولداندى. كەلەس اۋدانى تۇرعىنىنىڭ ۇيىندە ودان ءارى ىزدەستىرۋ شارالارى جۇرگىزىلدى. ناتيجەسىندە پوليتسەيلەر كۇدىكتىنىڭ ۇيىنىنەن ىشىندە ەسىرتكى زاتى بار بەس پوليەتيلەن پاكەتىن تاپتى. الىنعان زاتتاي دالەلدەمە ساراپتاماعا جىبەرىلدى.
ەسىرتكى جالپى سالماعى شامامەن 10 كەلى بولاتىن ماريحۋانا بولىپ شىقتى. اتالعان فاكتىلەر قازاقستان رەسپۋبليكاسى قىلمىستىق كودەكسىنىڭ 296-بابى «ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ» بويىنشا تىركەلدى.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. وقيعانىڭ بارلىق ءمان-جايى انىقتالىپ جاتىر.
