پوليتسەيلەر انىقتاعانداي, تۇركىستان كوشەلەرىنىڭ بىرىندە بەلگىسىز كولىك جاياۋ جۇرگىنشىلەر وتكەلىندە جولدى كەسىپ ءوتىپ بارا جاتقان ەكى ايەلدى قاعىپ, وقيعا ورنىنان بوي تاسالاعان. جول-كولىك وقيعاسى سالدارىنان ءتۇرلى دەنە جاراقاتتارىمەن جاياۋ جۇرگىنشىلەر اۋرۋحاناعا جەتكىزىلدى.
اتالعان فاكت بىردەن ەكى باپ بويىنشا, قازاقستان رەسپۋبليكاسى قىلمىستىق كودەكسىنىڭ 345-بابى «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ ەرەجەلەرiن بۇزۋى» بويىنشا, جانە قازاقستان رەسپۋبليكاسى قىلمىستىق كودەكسىنىڭ 347-بابى «جول-كولىك وقيعاسى بولعان جەردەن كەتىپ قالۋ» بويىنشا تىركەلدى. وقيعا بولعان جەردى قاراۋ كەزىندە اينا سىنىقتارى جانە باسقا دا ايعاق زاتتار الىندى.
قولدانىلعان شارالار ناتيجەسىندە پوليتسەيلەر ولاردىڭ ۆاز-2106 اۆتوكولىگىنە تيەسىلى ەكەنىن انىقتادى. پوليتسەيلەر 24 ساعات ىشىندە جۇرگىزۋشىنى تۇرعىلىقتى جەرىندە انىقتادى. كولىك ايىپپۇل تۇراعىنا قويىلدى. قازىر تەرگەۋ امالدارى جۇرگىزىلۋدە.
