بيىل مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا ءىرى گاباريتتى 25 مەكتەپتى جوبالاۋ باستالدى. بۇل ءىرى گاباريتتى مەكتەپتەر 100 مىڭ وقۋشى ورنىن (2 اۋىسىمدى) اشۋعا مۇمكىندىك بەرەدى. ولاردىڭ قۇرىلىسى 2023 جىلى باستالادى.
2025 جىلعا دەيىن 120 مىڭ وقۋشى ورنىنا (2 اۋىسىمدى) ارنالعان 44 مەكتەپ سالۋ جوسپارلانىپ وتىر.
ەلوردادا مەكتەپ سالۋ ءۇشىن 158 جەر ۋچاسكەسى بەلگىلەندى. جەر ۋچاسكەلەرى الەۋمەتتىك نىسانداردىڭ قاجەتتىلىكتەرىنە وراي قالانىڭ بارلىق اۋدانىندا ورنالاسقان.
ەگجەي-تەگجەيلى جوسپارلاۋ جوسپارىنا ءار اۋداندا (شاعىن اۋدانداردا) وقۋ ورىندارى بولۋى جونىندە ارنايى باعىت بەكىتىلدى. مەكتەپتەر مەن وزگە دە ماڭىزى زور الەۋمەتتىك نىساندار سالۋ ءۇشىن جەر ۋچاسكەلەرىنىڭ سانى جىل سايىن ۇلعاياتىن بولادى.
