الماتى قالاسىنىڭ وقۋشىلارى ۇلتتىق بىرىڭعاي تەست تاپسىرۋدا كورسەتكىشتەرى جاعىنان ءالى دە كوش باستاپ تۇر. بۇكىل رەسپۋبليكا بويىنشا بۇرناعى كۇنى ءبىرىنشى بولىپ ەڭ جوعارى بالل جيناعان الماتى قالاسىنداعى فيزيكا-ماتەماتيكا پاندەرىن تەرەڭدەتە وقىتاتىن №178 ليتسەي تۇلەگى ايعانىم ءابدىجاپاردان كەيىن, كەشە عانا الماتىداعى №159 ى.التىنسارين اتىنداعى گيمنازيانىڭ تۇلەگى ءاسيا جاندوسقىزى مارات 125 بالل جيناپ, مەكتەبىنىڭ دە, اتا-اناسىنىڭ دا, ۇستازدارىنىڭ دا مەرەيىن تاسىتتى.
اقيقاتىن ايتقاندا, ءاسيا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ بازاسىندا ءبىرىنشى كۇنى وتكەن ۇبت ناتيجەسىندە 124 بالل العانى بەلگىلى بولىپ, جاۋابى دۇرىس ەمەس دەپ ەسەپتەلىنگەن جالعىز سۇراقتى اپپەلياتسياعا بەرگەن. كەشە كوميسسيا تۇلەكتىڭ ابسوليۋتتىك ءبىلىم ناتيجەسىن كورسەتكەنىن دايەكتەپ بەرىپ, رەسپۋبليكا بويىنشا ەكىنشى جوعارى بالل جيناعان ونىڭ ەسىمى ناقتىلاندى.
الماتىداعى №159 گيمنازيا باسقا دا جەتىستىكتەرىمەن ماقتانىپ جۇرگەن ءبىلىم ورداسى. رەسپۋبليكالىق بايقاۋلاردا, عىلىمي جوبالاردىڭ جارىستارىندا, ءتۇرلى مادەني شارالاردا الدىڭعى قاتاردان تابىلىپ جۇرگەن قالاداعى ماڭدايالدى ءبىلىم مەكەمەلەرىنىڭ ءبىرى.
بۇل ءبىلىم ۇياسىنان بيىل 52 تۇلەك ۇبت-عا قاتىسىپ, ولاردىڭ ۇبت قورىتىندىسى بويىنشا ورتا بالى 109,7 بولدى.
– ەگەر مەكتەپتەن 13 وقۋشى «التىن بەلگىدەن» ۇمىتكەر بولسا, سونىڭ 13-ءى دە «التىن بەلگىسىن» اقتادى. ءبىر عانا مۇعالىمىمىز گۇلناز تۇڭعىشباەۆانىڭ سىنىبىنان 10 تۇلەك «التىن بەلگى» يەگەرى اتاندى. بۇل – وتە ۇلكەن تابىس. قول جەتكەن جەتىستىك ءبىر كۇننىڭ ەڭبەگى ەمەس. ول – ۇستاز, شاكىرت, اتا-انا ىنتىماقتاستىعىنىڭ ناتيجەسى, – دەيدى №159 ى.التىنسارين اتىنداعى گيمنازيانىڭ ديرەكتورى, قازاقستاننىڭ ەڭبەك ەرى اياگۇل ميرازوۆا.
مۇعالىمدەر ءاسيا جاندوسقىزى ماراتتىڭ الدىن الا تاپسىرىلعان تەستتەردىڭ بارىندە ەڭ تومەنى 123 بالل, بەس رەت قاتارىنان 125 بالل جيناعانىن جانە ونىڭ ءبىرىنشى سىنىپتان باستاپ تەك قانا بەس دەگەن باعاعا وقىپ كەلە جاتقانىن, وتە تياناقتى دا ۇقىپتى ەكەندىگىن ايتادى.
ايناش ەسالي,
«ەگەمەن قازاقستان».
الماتى.
سۋرەتتە: ءاسيا مارات گيمنازيا ديرەكتورى, قازاقستاننىڭ ەڭبەك ەرى اياگۇل ميرازوۆامەن بىرگە.
اقيقاتىن ايتقاندا, ءاسيا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ بازاسىندا ءبىرىنشى كۇنى وتكەن ۇبت ناتيجەسىندە 124 بالل العانى بەلگىلى بولىپ, جاۋابى دۇرىس ەمەس دەپ ەسەپتەلىنگەن جالعىز سۇراقتى اپپەلياتسياعا بەرگەن. كەشە كوميسسيا تۇلەكتىڭ ابسوليۋتتىك ءبىلىم ناتيجەسىن كورسەتكەنىن دايەكتەپ بەرىپ, رەسپۋبليكا بويىنشا ەكىنشى جوعارى بالل جيناعان ونىڭ ەسىمى ناقتىلاندى.
الماتىداعى №159 گيمنازيا باسقا دا جەتىستىكتەرىمەن ماقتانىپ جۇرگەن ءبىلىم ورداسى. رەسپۋبليكالىق بايقاۋلاردا, عىلىمي جوبالاردىڭ جارىستارىندا, ءتۇرلى مادەني شارالاردا الدىڭعى قاتاردان تابىلىپ جۇرگەن قالاداعى ماڭدايالدى ءبىلىم مەكەمەلەرىنىڭ ءبىرى.
بۇل ءبىلىم ۇياسىنان بيىل 52 تۇلەك ۇبت-عا قاتىسىپ, ولاردىڭ ۇبت قورىتىندىسى بويىنشا ورتا بالى 109,7 بولدى.
– ەگەر مەكتەپتەن 13 وقۋشى «التىن بەلگىدەن» ۇمىتكەر بولسا, سونىڭ 13-ءى دە «التىن بەلگىسىن» اقتادى. ءبىر عانا مۇعالىمىمىز گۇلناز تۇڭعىشباەۆانىڭ سىنىبىنان 10 تۇلەك «التىن بەلگى» يەگەرى اتاندى. بۇل – وتە ۇلكەن تابىس. قول جەتكەن جەتىستىك ءبىر كۇننىڭ ەڭبەگى ەمەس. ول – ۇستاز, شاكىرت, اتا-انا ىنتىماقتاستىعىنىڭ ناتيجەسى, – دەيدى №159 ى.التىنسارين اتىنداعى گيمنازيانىڭ ديرەكتورى, قازاقستاننىڭ ەڭبەك ەرى اياگۇل ميرازوۆا.
مۇعالىمدەر ءاسيا جاندوسقىزى ماراتتىڭ الدىن الا تاپسىرىلعان تەستتەردىڭ بارىندە ەڭ تومەنى 123 بالل, بەس رەت قاتارىنان 125 بالل جيناعانىن جانە ونىڭ ءبىرىنشى سىنىپتان باستاپ تەك قانا بەس دەگەن باعاعا وقىپ كەلە جاتقانىن, وتە تياناقتى دا ۇقىپتى ەكەندىگىن ايتادى.
ايناش ەسالي,
«ەگەمەن قازاقستان».
الماتى.
سۋرەتتە: ءاسيا مارات گيمنازيا ديرەكتورى, قازاقستاننىڭ ەڭبەك ەرى اياگۇل ميرازوۆامەن بىرگە.
