پارلامەنت • 08 جەلتوقسان، 2022

ءماجىلىس جانىنداعى قوعامدىق پالاتانىڭ العاشقى وتىرىسى ءوتتى

78 رەت كورسەتىلدى

بۇگىن ءماجىلىس سپيكەرى ەرلان قوشانوۆ ءماجىلىس جانىنان قۇرىلعان قوعامدىق پالاتانىڭ العاشقى وتىرىسىنا قاتىستى، دەپ حابارلايدى Egemen.kz.

جيىندى اشقان ءماجىلىس توراعاسى بۇگىندە ەلىمىزدە پرەزيدەنت باستاماسىمەن ازاماتتاردىڭ مەملەكەتتىك باسقارۋعا قاتىسۋ مۇمكىندىكتەرىن كەڭەيتەتىن اۋقىمدى ساياسي رەفورمالار جۇرگىزىلىپ جاتقانىن اتاپ ءوتتى. وسى ورايدا بيلىك پەن قوعام اراسىنداعى اشىقتىق پەن ءوزارا سەنىمگە نەگىزدەلگەن قارىم-قاتىناستىڭ جاڭا ساياسي مادەنيەتى قالىپتاسۋدا جانە مۇندا پارلامەنتتىڭ ورنى ەرەكشە.

– مەملەكەت باسشىسى قوعامدىق پىكىرتالاس الەۋمەتتىك جەلىلەر مەن الاڭداردا ەمەس، پارلامەنت قابىرعاسىندا بولۋى قاجەت ەكەنىن ايتقان ەدى. بۇعان ءماجىلىس جانىنداعى قوعامدىق پالاتا سەپتىگىن تيگىزۋى كەرەك. ءدال وسىندا دەپۋتاتتار قاراعان زاڭ جوبالارى ازاماتتاردىڭ وتىنىشتەرىن ەسكەرە وتىرىپ، تاۋەلسىز، كاسىبي قوعامدىق ساراپتامادان وتۋگە ءتيىس، – دەدى ە.قوشانوۆ.

ءماجىلىس توراعاسى قوعامدىق پالاتانىڭ جۇرتشىلىقپەن تىكەلەي ديالوگ قۇرۋىنا، ەڭ كوپ تالقىلانىپ جاتقان ماسەلەلەر بويىنشا دەپۋتاتتاردىڭ حالىقپەن كەرى بايلانىس ورناتۋىنا مۇمكىندىك بەرەتىنىن ايتتى.

ەرلان قوشانوۆ پالاتانىڭ كۇن ءتارتىبى ازاماتتاردىڭ ەڭ وزەكتى ماسەلەلەرىن ەسكەرە وتىرىپ قالىپتاسۋى كەرەك ەكەنىنە باسا ءمان بەردى.

وسىعان وراي جۇمىس جوسپارىنا الەۋمەتتىك كودەكس، جەرگىلىكتى ءوزىن-ءوزى باسقارۋ، مەنشىك يەلەرىنىڭ بىرلەستىگى، تۇرعىن ءۇي-كوممۋنالدىق شارۋاشىلىعى، دەنساۋلىق ساقتاۋ جانە ءبىلىم بەرۋدى دامىتۋ تۋرالى زاڭ جوبالارىن ەنگىزۋدى ۇسىندى.

د

ساياسي شولۋشى، قوعامدىق پالاتا توراعاسىنىڭ ورىنباسارى نيكيتا شاتالوۆ بۇگىندە قوعامدىق-ساياسي كەڭىستىكتىڭ قارقىندى وزگەرىپ جاتقانىن اتاپ ءوتتى.

– قازىر ءار ادام ءوز مۇمكىندىكتەرىنە دەگەن سەنىمىن جوعالتىپ المايتىنداي جۇمىس ىستەۋىمىز كەرەك. قوعام، اسىرەسە، جاستار وتە بەلسەندى. ولار ءوز مۇددەلەرىن ءبىلدىرۋدى، قوعامدىق-ساياسي جۇمىستاردى جۇرگىزۋدى تەز ۇيرەنەدى. قوعامدىق پالاتا دا ءوز جۇمىسىندا وسىنى كورسەتۋى كەرەك، – دەدى ن.شاتالوۆ.

ال ساياساتتانۋشى عازيز ابىشەۆ مەملەكەتتىك شەشىمدەردى قابىلداۋ جۇيەسىنىڭ وزگەرۋىنە ىقپال ەتەتىن قازىرگى زاماننىڭ سىن-قاتەرلەرىنە نازار اۋداردى.

– قازىر ماسەلەلەردى اقىلداسىپ، كەڭەسىپ شەشۋ تۇجىرىمداماسىنىڭ وزەكتىلىگى ارتىپ كەلەدى. مۇنداي قوعامدىق كەڭەستەردى رەسپۋبليكادان باستاپ، وڭىرگە دەيىن بارلىق دەڭگەيدە قۇرۋ قاجەتتىلىگى عىلىمي تۇردە دالەلدەنگەن. قوعامدىق پالاتا قىسقا ۋاقىتتا تاراپ كەتپەي، ۇزاق جىلدار بويى قىزمەت ەتەدى دەپ سەنەمىن، – دەدى ساياساتتانۋشى.

ش

جيىنعا قاتىسۋشىلار قوعامدىق پالاتانىڭ قىزمەتى مەن جوسپارلارىنا قاتىستى ءوز ۇسىنىستارىن ايتىپ، ءسوز سويلەدى.

ءماجىلىس دەپۋتاتى جۇلدىز سۇلەيمەنوۆا «قوعامدىق باقىلاۋ تۋرالى» زاڭ جوباسىنىڭ جۇمىسىنا توقتالدى.

ل

قوعامدىق پالاتانىڭ قۇرامىنا 37 مۇشە – ءماجىلىس دەپۋتاتتارى، ساياسي پارتيالاردىڭ، ۇكىمەتتىك ەمەس ۇيىمداردىڭ جانە ساراپشىلار قوعامداستىعىنىڭ وكىلدەرى كىرەدى. ونىڭ قۇرامى التى ايدا ءبىر رەت روتاتسيالاۋ ارقىلى جاڭارتىلىپ وتىرادى.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار