سەنات توراعاسى ماۋلەن اشىمباەۆ جاڭادان سايلانعان جوعارعى سوت توراعاسىن جاڭا قىزمەتىمەن قۇتتىقتاپ, جاۋاپتى قىزمەتىنە تابىس تىلەدى.
«مەن, مەرعاليەۆ اسلامبەك امانگەلدى ۇلى, ءوزىمنىڭ مىندەتتەرىمدى ادال جانە سانالى تۇردە اتقارۋعا, سوت تورەلىگىن جۇزەگە اسىرۋعا, قازاقستاننىڭ كونستيتۋتسياسى مەن زاڭدارىنا عانا باعىنۋعا, سۋديانىڭ مىندەتى ماعان بۇيىرعانداي بەيتاراپ جانە ءادىل بولۋعا سالتاناتتى تۇردە انت ەتەمىن», دەدى اسلامبەك مەرعاليەۆ.
ول بۇعان دەيىن اقتوبە وبلىستىق سوتىنىڭ توراعاسى قىزمەتىن اتقارعان.
اسلامبەك مەرعاليەۆ 1972 جىلى 2 ساۋىردە پاۆلودار وبلىسىندا دۇنيەگە كەلگەن. ءبىلىمى زاڭگەر, ىستانبۇل مەملەكەتتىك ۋنيۆەرسيتەتىن بىتىرگەن.
1998-1999 جج. ەكىباستۇز قالاسىنداعى جەكە فيرمادا زاڭگەر بولىپ قىزمەت اتقارعان;
1999-2001 جج. پاۆلودار وبلىسى ادىلەت دەپارتامەنتىنىڭ باس مامانى;
2001-2003 جج. پاۆلودار وبلىستىق سوتىنىڭ باس مامانى;
2003-2007 جج. پاۆلودار قالالىق سوتىنىڭ سۋدياسى;
2007-2008 جج. پاۆلودار وبلىسى ەكىباستۇز قالاسىنىڭ مامانداندىرىلعان اكىمشىلىك سوتىنىڭ توراعاسى;
2008-2012 جج. پاۆلودار وبلىسى ەكىباستۇز قالاسى سوتىنىڭ توراعاسى;
2012-2014 جج. پاۆلودار قالاسىنىڭ No2 سوتىنىڭ توراعاسى;
2014-2015 جج. سولتۇستىك قازاقستان وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ توراعاسى;
2015-2020 جج. قوستاناي وبلىستىق سوتىنىڭ توراعاسى;
2020 جىلدان باستاپ اقتوبە وبلىستىق سوتىنىڭ توراعاسى بولىپ قىزمەت اتقارعان.
بۇعان دەيىن جاقىپ اسانوۆتىڭ جوعارعى سوت توراعاسى قىزمەتىنەن بوساتىلعانىن حابارلاعان ەدىك. بۇل قىزمەتتە ول بەس جىل قىزمەت ەتتى.
