ينفوگرافيكانى جاساعان امانگەلدى قياس, «ەQ»
Ranking ساراپشىلارىنىڭ ايتۋىنشا, سوڭعى ون جىل كولەمىندە ازاماتتاردىڭ زەينەتاقى جيناعى 4,5 ەسەگە كوبەيگەن.
بجزق – زەينەتاقى جۇيەسىنىڭ بارلىق قارجىلىق جانە اقپاراتتىق تۇتقاسىن ۇستاپ وتىرعان بىرىڭعاي وپەراتور. زەينەتاقىمەن قامسىزداندىرۋ تۋرالى زاڭعا سايكەس قور ءوز قىزمەتى ءۇشىن كوميسسيا ۇستاي الادى. ادەپكىدە بجزق ءۇشىن كوميسسيا سىياقىسى ينۆەستيتسيالىق كىرىستىڭ 7,5 پايىزىنان جانە زەينەتاقى اكتيۆتەرىنىڭ اي سايىن 0,025 پايىزىنان اسپاۋعا ءتيىس دەپ بەلگىلەنگەن. بۇل رەتتە بجزق ۇلتتىق بانكپەن بىرىگىپ, كوميسسيا سىياقىسىن تومەندەتۋ جانە شىعىنداردى وڭتايلاندىرۋ جۇمىسىن جۇرگىزەدى.
«2016-2017 جىلدارى اكتيۆ كوميسسياسى – 0,0225 پايىز, 2018 جانە 2019 جىلى – 0,015 پايىز, 2020 جىلى – 0,011 پايىز بولدى. 2021 جىلدان بەرى قور كوميسسياسىنىڭ كولەمى اكتيۆتەردىڭ 0,01 پايىزىنان اسپايتىنداي ەتىپ زاڭمەن بەكىتىلدى. سونىمەن قاتار 2021 جىلدان باستاپ بجزق ينۆەستيتسيالىق تابىستان كوميسسيا سىياقىسىن ۇستامايدى. ول تەك زەينەتاقى اكتيۆتەرىن باسقارۋشىلاردان (ينۆەستيتسيالىق تابىستىڭ 2 پايىزىنان ارتىق ەمەس), ۇلتتىق بانك جانە ينۆەستيتسيالىق پورتفەلدى باسقارۋشىلاردان (ينۆەستيتسيالىق كىرىستىڭ 7,5 پايىزىنان ارتىق ەمەس) ۇستالادى», دەلىنگەن Ranking زەرتتەۋىندە.
ءوز كەزەگىندە, ۇلتتىق بانكتىڭ 2022 جىلعا ارنالعان سىياقى مولشەرى بجزق زەينەتاقى اكتيۆتەرى بويىنشا ينۆەستيتسيالىق كىرىس سوماسىنىڭ 1,8 پايىزى مولشەرىندە بەلگىلەندى. سالىستىرار بولساق, ينۆەستيتسيالىق پورتفەلدى باسقارۋشىلاردىڭ كوميسسيا سىياقىسى كەلەسىدەي: «Halyk Global Markets» – 3,5 پايىز; «Jusan Invest» – 5 پايىز; «BCC Invest» – 7 پايىز; «سەنتراس سەكيۋريتيز» – 7,5 پايىز; «Halyk Finance» – 5 پايىز.
ساراپشىلار سوزىنە دەن قويساق, كوميسسيا سىياقىسى قور قىزمەتى ءۇشىن قاجەت. تۇسكەن قارجى اقپاراتتىق جانە تەلەكوممۋنيكاتسيالىق قىزمەتكە, باعدارلامالىق قامتاماسىز ەتۋ قىزمەتىنە, قىزمەتكەرلەردىڭ جالاقىسىن تولەۋگە, پوشتا جانە سالىمشىلاردى حاباردار ەتۋ قىزمەتىنە جۇمسالادى.
«كوميسسيانىڭ سالىستىرمالى جانە ءابسوليۋتتى ماندەرىنىڭ تومەندەۋى ۇلتتىق بانكتىڭ زەينەتاقى اكتيۆتەرىنىڭ سەنىمگەرلىك باسقارۋشىسى رەتىندە جانە جەكە زەينەتاقى شوتتارىن ەسەپكە الىپ, سالىمشىلار مەن الۋشىلارعا زەينەتاقى قىزمەتتەرىن كورسەتەتىن بجزق-نىڭ دەربەستەندىرىلگەن قارجى قۇرالدارىن ينۆەستيتسيالىق ەسەپكە الۋ جونىندەگى بىرىڭعاي وپەراتور رەتىندە جۇرگىزىپ جاتقان جۇمىسىنىڭ ناتيجەسى بولىپ سانالادى. تۇتاستاي العاندا, بيزنەس-پروتسەستەردى اۆتوماتتاندىرۋ جانە قىزمەتكەرلەردىڭ ەڭبەك ونىمدىلىگىن ارتتىرۋ, زەينەتاقى قىزمەتتەرىن ەلەكتروندى فورماتقا كوشىرۋ جانە ولاردىڭ ۇلەسىن ارتتىرۋ بويىنشا جۇرگىزىلگەن جۇمىستاردىڭ ناتيجەسىندە ينۆەستيتسيالىق مەنەدجمەنت پەن كاستودياندىق قىزمەتتەرگە كوميسسيالىق شىعىستار قىسقارتىلدى. وپەراتسيالاردىڭ جالپى كولەمى, سونداي-اق ءوز اكتيۆتەرىن ينۆەستيتسيالاۋدان تۇسەتىن كىرىستەردەن اكىمشىلىك شىعىستاردىڭ ءبىر بولىگىن جابۋ ەسەبىنەن بجزق-نىڭ اكىمشىلىك شىعىستارى قىسقارتىلدى», دەپ جازادى Ranking.
2021 جىلدىڭ قورىتىندىسى بويىنشا بجزق كوميسسيالىق كىرىسىنىڭ سوماسى ءبىر جىلدا 2,8 ەسە قىسقارىپ, 24,7 ملرد تەڭگەگە تەڭ بولعان. زەينەتاقى قورلارى مەن باسقارۋشى كومپانيالاردىڭ كوميسسيالىق سىياقى الۋى بارلىق ەلدە زاڭدى تۇردە قاراستىرىلعان. سونىمەن بىرگە بجزق مەن ۇب كوميسسياسى الەمدەگى ەڭ تومەنگىلەردىڭ قاتارىندا. مىسالى, چەحيادا كوميسسيا سىياقىسى ينۆەستيتسيالىق قۇرالدىڭ جىل سايىنعى ورتاشا قۇنىنىڭ 0,8, تابىستىڭ 10 پايىزىن قۇرايدى; ماجارستاندا – كوميسسيا جارنانىڭ 6, اكتيۆتىڭ 0,8 پايىزىن; يزرايلدە – جارنانىڭ 6, اكتيۆتىڭ 0,5 پايىزىن; ليتۆادا – ومىرلىك تسيكل ءۇشىن اكتيۆتىڭ 0,65, اكتيۆتى ساقتاۋ قورى ءۇشىن اكتيۆتىڭ 1 پايىزىن; سلوۆەنيادا – جارنانىڭ 3, اكتيۆتىڭ 1 پايىزىن; ۇلىبريتانيادا – اكتيۆتىڭ 0,75 پايىزىن; البانيادا – جىل سايىنعى زەينەتاقى قورى تازا قۇنىنىڭ 3 پايىزىن; ارمەنيادا – مىندەتتى جوسپار بويىنشا تازا اكتيۆ قۇنىنىڭ 1,5 جانە ەرىكتى جوسپار بويىنشا تازا اكتيۆ قۇنىنىڭ 5 پايىزىن قۇرايدى.
