سپورت • 08 جەلتوقسان، 2022

جەڭىس جالعاسىن تاپتى

31 رەت كورسەتىلدى

استانانىڭ «بارىسى» قۇرلىقتىق حوككەي ليگاسىنداعى (قحل) كەزەكتى ويىنىن «بارىس ارەنادا» قازاننىڭ «اك بارس» كلۋبىمەن وتكىزدى.

وتكەن تۋردا وفەنىڭ «سالاۆات يۋلاەۆ» ۇجىمىن 2:1 ەسەبىمەن جەڭگەن جەرلەستەرىمىز بۇل جولى «اك بارستى» بۋلليت سەرياسىندا قاپى قالدىردى – 3:2. ويىننىڭ العاشقى بولىگىندە «بارىس» حوككەيشىلەرى قارسىلاستارى قاقپاسىنا ەكى شايبا سوعىپ، جەرگىلىكتى جانكۇيەرلەردى ءبىر جەلپىنتىپ تاس­تادى. كەزدەسۋدىڭ 9-مينۋتىندا اركادي شەستاكوۆ ەسەپتى اشسا، ءبىرىنشى كەزەڭنىڭ اياقتالۋىنا ساناۋلى مينۋت قالعاندا الەكس گرانت «4ح4» فورماتىندا مەرگەندىك تانىتتى.

ەكىنشى كەزەڭنىڭ بەل ورتاسىنا جەتكەندە «اك بارس» حوككەيشىسى نيكيتا دىنياك ەسەپ ايىرماسىن قىسقارتسا، ءۇشىنشى كەزەڭنىڭ اياقتالۋىنا بەس مينۋت قالعاندا كيريلل پەتروۆ تارازى باسىن تەڭەستىرىپ، ويىندى وۆەرتايمعا ۇلاستىردى. دەگەنمەن قوسىمشا ۋاقىتتا دا ەكى كوماندا حوككەيشىلەرى ءبىر-بىرىنەن ايلاسىن اسىرا العان جوق. ال بۋلليتتەر سەرياسىندا «بارىستىڭ» باعى جاندى – 3:2.

تۇراقتى بىرىنشىلىكتىڭ كوماندالارى قحل-ءدىڭ «جۇلدىزدار ماتچى» مەن ء«بىرىنشى ارنا كۋبوگى» حالىقارالىق تۋرنيرلەرىنە بايلانىستى 19 جەلتوقسانعا دەيىن ۇزىلىسكە شىقتى. «بارىس» كەلەسى ويىنىن 19 جەلتوقساندا نيجنەكامسكىدە جەرگىلىكتى «نەفتەحيميكپەن» وتكىزەدى.

 

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار