قازىرگى ىقپالداستىق تالابىنا تولىق ساي كەلەدى
«قازفوسفات» – ەلىمىزدىڭ اۋماعىندا فوسفات ءوندىرىپ, ونى وڭدەپ, تۇتىنۋشىلارعا تەمىر جول كولىگى ارقىلى جەتكىزىپ بەرەتىن بىرەگەي كومپانيانىڭ ءبىرى. بۇگىندە مۇندا مينەرالدى تىڭايتقىش, سارى فوسفور, حيميا ونىمدەرىنىڭ 20 ءتۇرى وندىرىلەدى. ءبىزدىڭ كومپانيانىڭ ءونىمى ەكسپورتقا باعدارلانعان, 94 پايىزى شەتەلدەرگە وتكەرىلەدى. ازىرگە نەگىزگى تابىستىڭ 60 پايىزى سارى فوسفور ساتۋدان تۇسۋدە. قازىر ءونىمىمىز ەۋرووداق, تمد, قىتاي, جاپونيا, يران, اۋعانستان جانە ۇندىستانعا جىبەرىلۋدە. ياعني, جامبىل جەرى ەلىمىزدەگى حيميا سالاسىنىڭ الىبى اتانىپ, كوش باستايتىنى انىق.
«قازفوسفات» جشس سوڭعى بەس جىلدا ەۋرووداق نارىعىنداعى ءوزىنىڭ باسەكەلەستەرىن تولىق ىعىستىردى دەۋگە بولادى. باسەكەگە بارىنشا قابىلەتتى ءونىم ءوندىرۋ ءبىزدىڭ نارىقتاعى كوكجيەگىمىزدى كەڭەيتە تۇسۋدە. كومپانيادا وتكەن جىلدىڭ قورىتىندىسىندا 56,3 ميلليارد تەڭگەنىڭ ءونىمى ءوندىرىلدى. بيىل بۇل كورسەتكىشتى 61,9 ميلليارد تەڭگەگە جەتكىزۋ كوزدەلۋدە. كاسىپورىننىڭ ۇستىمىزدەگى جىلدىڭ ءتورت ايىنىڭ جۇمىس قورىتىندىسى دا قۋانتارلىق. وسى مەرزىمدە 19 957 ميلليون تەڭگەنىڭ ءونىمى ءوندىرىلدى. سەرىكتەستىك تەك 2013 جىلى عانا بيۋدجەتكە سالىققا جانە بيۋدجەتتەن تىس تولەمدەرگە 5 339 ميلليون تەڭگە, ال, ۇستىمىزدەگى جىلدىڭ ءتورت ايىندا 1 497 ميلليون تەڭگە اۋداردى. نارىق تالابى – قاتال. سوندىقتان دا ءبىز وزىمىزدە وندىرىلەتىن ءونىمنىڭ ساپاسىن تۇراقتى جاقسارتىپ, باسەكەگە قابىلەتتىلىگىنە ەرەكشە كوڭىل بولەمىز. وسى ماقساتتا 240 بيزنەس ۇدەرىستەر تالداپ, جاسالىپ, بەكىتىلدى, ەRP جانە SAP جۇيەلەرى ەنگىزىلدى. شىعارىلاتىن ءونىمنىڭ ساپاسىن جانە باسەكەگە قابىلەتتىلىگىن ارتتىرۋ ماقساتىندا كومپانيانىڭ بارلىق كاسىپورىندارىندا جەتكىزىلگەن شيكىزات پەن وتكەرىلەتىن دايىن ءونىمنىڭ ساپاسىنا باقىلاۋ جاسايتىن ارنايى قىزمەت بار. بارلىق ءونىم مىندەتتى تۇردە قازاقستان رەسپۋبليكاسى مەملەكەتتىك ستاندارتتارىنا سايكەس باقىلاۋدان وتكىزىلەدى. وندىرىستەگى ەسكى جابدىقتاردى جاڭاسىمەن الماستىرۋ, جاڭا تەحنولوگيانى ەنگىزۋ تۇراقتى جۇرگىزىلۋدە. بۇل شارۋا بارلىق وندىرىستىك تسەحتاردا تابىستى جۇزەگە اسىرىلۋدا. الەمدىك قارجى داعدارىسىنا قاراماستان ءبىز 2008-2013 جىلدارى ءوز كاسىپورىندارىمىزدا 9 ينۆەستيتسيالىق جوبانى جۇزەگە اسىرۋدامىز. مۇنىڭ ءوزى ەنەرگيا ۇنەمدەۋگە, ءوندىرىس قالدىقتارىن كادەگە اسىرۋعا جانە جاڭا تسەحتار مەن تەحنولوگيالىق جەلىلەردىڭ قۇرىلىسىن سالۋعا مۇمكىندىك بەرۋدە. وسى مەرزىمدە 9 جوبا تولىق جۇزەگە اسىرىلدى.
كەيىنگى جىلدارى ءبىزدىڭ كومپانيا قارجىلىق-ەكونوميكالىق كورسەتكىشتەردى جاقسارتۋمەن قاتار كاسىپورىندارعا ەكولوگيا, ءوندىرىس قاۋىپسىزدىگى باعدارلامالارىن ەنگىزۋدە دە ەلەۋلى شارۋالاردى قولعا الۋدا. كوندەنساتسيالىق سۋدى تازارتۋ جۇيەسىن ەنگىزۋ اينالىم سۋىن سالقىنداتۋ دەڭگەيىن جاقسارتتى. قالدىقسىز تەحنولوگيامەن جۇمىس ىستەۋ ءوز ناتيجەسىن بەرۋدە. مۇنىڭ ءوزى كاسىپورىن اۋماعىندا ۇزاق ۋاقىتتان بەرى جينالىپ قالعان قالدىقتاردى وڭدەپ, كادەگە جاراتۋعا سەپتىگىن تيگىزەدى. وسىنداي يگى شارالاردى قولعا الۋ ناتيجەسىندە فوسفور قويماسىندا ساقتالعان قالدىق كولەمى ەداۋىر ازايدى. سارى فوسفور ءوندىرۋ كەزىندە پايدا بولاتىن پەش گازىن كادەگە اسىرۋ وسى مەرزىمدە 6 ميلليون 847 مىڭ تەكشە مەتر تابيعي گازدى نەمەسە 108 ميلليون 302 مىڭ تەڭگەنى ۇنەمدەۋگە مۇمكىندىك بەردى. تاياۋدا جاڭا جامبىل فوسفور زاۋىتى جانە مينەرالدى تىڭايتقىش فيليالدارىندا جىلجىمالى ەكولوگيالىق زەرتحانالار پايدالانۋعا بەرىلەدى.
«قازفوسفات» وبلىس اۋماعىندا كەڭ كولەمدى قايىرىمدىلىق شارالار جۇرگىزەدى جانە دەمەۋشىلىك جاسايدى. ولاردىڭ اراسىندا بالالار ءۇيى جانە ينتەرناتتارى, سپورتتىق شارالار مەن سپورتتىق كلۋبتار بار. سەرىكتەستىك 2007-2012 جىلدارى وسى ماقساتقا 395 ميلليون تەڭگە جۇمسادى. بۇل يگىلىكتى شارا كەلەشەكتە دە جالعاسىن تابادى. بيىل ءبىز «الەۋمەتتىك جاۋاپكەرشىلىك» Sا 8000:2001 حالىقارالىق ستاندارت تالاپتارىنا سايكەس سەرتيفيكاتقا يە بولدىق.
ماماندار – ءبىزدىڭ التىن قورىمىز. كاسىپورىندا بىلىكتى ماماندار دايارلاۋعا جانە ولاردىڭ بىلىكتىلىكتەرىن جەتىلدىرۋگە ەرەكشە كوڭىل بولىنەدى. ءاربىر فيليالدا كومپيۋتەرلىك تەحنيكا, ءوندىرىستىك جابدىقتاردىڭ ماكەتتەرى, وقۋ قۇرالدارىمەن جابدىقتالعان وقۋ بازاسى بار. بۇعان قوسا, جۇمىسشىلارىمىز كەلىسىمشارت ارقىلى كاسىپتىك ليتسەيلەردە, وقۋ ورتالىقتارى جانە جوعارى وقۋ ورىندارىندا وقيدى. كەلىسىمشارتقا سايكەس وقۋ اقىسىن كاسىپورىن تولەيدى. بۇل ماقساتقا جىل سايىن 30-35 ميلليون تەڭگە بولىنەدى.
قازىر كومپانيادا 6011 ادام جۇمىس ىستەيدى. وتكەن جىلى ورتاشا جالاقى 10,3 پايىزعا ءوسىرىلىپ, ول 88 مىڭ تەڭگەنى قۇرادى. بارلىق جۇمىسشىلار زاڭدا ۇجىمدىق كەلىسىمشارتتا قاراستىرىلعانداي ەمدىك-الدىن الۋ تاعامىمەن, ارنايى كيىممەن جانە جەكە قورعانىش زاتتارمەن قامتاماسىز ەتىلگەن. كومپانيادا ءبىر جۇمىسشىنى ۇستاۋعا جىلىنا 1 203 965 تەڭگە جۇمسالادى. جۇمىسشىلارىمىزدىڭ بالالارى كاسىپورىن ەسەبىنەن «جۇلدىز» ساۋىقتىرۋ لاگەرىندە جانە جىل ون ەكى اي «كوكتال» ەمدەۋ-ساۋىقتىرۋ شيپاجايىندا دەنساۋلىقتارىن تۇزەيدى. بۇگىندە بارلىق فيليالداردا تۇرمىستىق عيمارات, جۋىناتىن, شەشىنەتىن جانە اس ىشەتىن بولمەلەر تولىق كۇردەلى جوندەۋدەن وتكىزىلگەن.
كومپانيادا شەشىمىن كۇتكەن ءتۇيىندى ماسەلەلەر دە جوق ەمەس. ەلەكتر قۋاتى, تابيعي گاز جانە «قازاقستان تەمىر جولى» قىزمەتتەرى تاريفتەرىنىڭ تۇراقتى ءوسۋى قولجەتىمدى ءارى باسەكەگە قابىلەتتى ءونىم وندىرۋگە ۇلكەن كەدەرگى كەلتىرۋدە. جاڭا جامبىل فوسفور زاۋىتى جىلىنا 120 مىڭ توننا سارى فوسفور وندىرە الادى. الايدا, اتالعان ءوندىرىس ءونىم ءوندىرۋ ءۇشىن ەنەرگيانى وتە كوپ قاجەت ەتەدى. سارى فوسفوردىڭ ءبىر توننا ءونىمىنىڭ وزىندىك قۇنىندا ەلەكتر قۋاتىنىڭ باعاسى 38 پايىزدى قۇرايدى. ماسەلەن, 2009 جىلى ەلەكتر قۋاتى جانە ونى تاسىمالداۋداعى تاريف – 35, 2010 جىلى – 9,5, ال, 2014 جىلى 2009 جىلمەن سالىستىرعاندا 49,5 پايىزعا ءوستى. ءتاريفتىڭ ءوسۋى مۇنىمەن توقتالىپ قالمايدى. تابيعي گاز ءتاريفى دە جىل سايىن كوتەرىلىپ كەلەدى. «قازاقستان تەمىر جولى» اق تاريفتەرى جىل سايىن ايتارلىقتاي ءوسىپ جاتقانىنا قاراماستان, تاسىمالداۋشى ۆاگوندار جاڭارتىلىپ جاتقان جوق. بۇل باعىتتاعى تاريف تەك ۇستىمىزدەگى جىلى عانا 15 پايىزعا كوتەرىلدى.
وسىنداي قيىندىقتارعا قاراماستان, ءبىز ءوز ۇستانىمىمىزدى نىعايتىپ, تۇراقتى جاڭا نارىقتاردى يگەرۋگە كۇش سالۋدامىز. قازاقستاننىڭ ەرەكشەلىگىنە قاراي, تەڭىزگە تىكەلەي شىعاتىن مۇمكىندىك جوقتىعىنان ءوز ءونىمىمىزدى الەمدىك نارىقتارعا شىعارۋدا ەلەۋلى كەدەرگىلەردى باستان كەشىرۋدەمىز. ۇزدىكسىز ىزدەنىستىڭ ناتيجەسىندە 2012 جىلى اقش-تىڭ نارىعىنا شىعىپ, ۇلكەن كولەمدەگى سارى فوسفوردى وتكەردىك. ۇستىمىزدەگى جىلدان باستاپ كومپانيا تاريحىندا العاش رەت ۇندىستانعا فوسفور جەتكىزۋدى قولعا الدىق. كەلەشەكتە جاپونيا جانە لاتىن امەريكاسى نارىقتارىن يگەرۋدى كوزدەۋدەمىز.
مۇقاش ەسكەندىروۆ,
«قازفوسفات» جشس باس ديرەكتورى, جامبىل وبلىستىق ءماسليحاتىنىڭ دەپۋتاتى.
جامبىل وبلىسى.
