عىلىم • 07 جەلتوقسان، 2022

ءبىلىم كوكجيەگىن كەڭەيتكەن

54 رەت كورسەتىلدى

ادام كاپيتالىن دامىتۋعا باسىمدىق بەرىلىپ جاتقان قازىرگى ۋاقىتتا ءبىلىم بەرۋ سالاسىنىڭ ماڭىزى ودان سايىن ارتا ءتۇستى. مەملەكەت باسشىسى قاسىم-جومارت توقاەۆتىڭ تاپسىرماسىمەن بۇل باعىتتاعى جۇمىستار جاندانىپ، ىلكىمدى باستامالار جۇزەگە اسىرىلىپ جاتىر. وسى رەتتە استانا قالاسىنىڭ ءبىلىم بەرۋ سالاسىنداعى جاڭالىقتاردى ەرەكشە اتاپ وتۋگە بولادى.

بۇگىندە استانادا 326 078 بالانى ءبىلىم نارىمەن سۋسىنداتىپ جاتقان 653 ۇيىم بار. ونىڭ 242-ءسى – مەملەكەتتىك، 411-ءى – جەكەمەنشىك. سونىڭ ىشىندە 236 757 كونتينگەنتى بار جالپى ءبىلىم بەرەتىن مەكتەپتەر سانى – 162. ياعني بىلىمپازدارعا مول مۇمكىندىك، كەڭ جاعداي جاسالۋدا.

عىلىم مەن تەحنولوگيا قارىشتا­عان جاھاندانۋ داۋى­رىندە ادامنىڭ اقىل-ويى مەن ءبىلىمىن باسەكەگە قا­بىلەتتى ەتۋدىڭ ماڭىزى زور. وسىناۋ قاعيدانى جاس ۇرپاق ساناسىنا ءسىڭىرۋ اياسىندا استانا قالاسىنىڭ ءبىلىم باسقارماسى ماردىمدى جۇمىستار اتقا­رۋدا. بۇل قاتاردا ءبىلىم بە­رۋ مەكەمەلەرىندەگى ورىن تاپ­شىلىعىن ازايتۋ ماسە­لەسى جۇيەلى رەتتەلىپ جاتىر. اسىرەسە، مەملەكەت-جەكە­شەلىك ارىپ­­تەستىكتى ء(مجا) دامىتۋ ماقسا­تىندا باسقار­ما بۇگىنگە دەيىن 8 جو­با بويىن­شا شارت جاساسقان. اتاپ ايقاندا، 2017 جىلى ءبىلىم باس­قار­ماسى مەن ء«بۇل­دىرشىن-2012» جشس اراسىندا «№29 جانە №36 كو­شە­­لەرىنىڭ قيىلىسىندا ورنا­لاسقان 360 ورىن­دىق بالا­باقشا سالۋ جانە پاي­دا­لانۋعا بەرۋ بويىنشا» شارت جاسالدى. مەكتەپكە دەيىنگى تاربيە جانە ءبىلىم بەرۋ مەكەمەلەرىنىڭ ورىن تاپشىلىعىن شەشۋدى ماقسات تۇتقان جوبانىڭ ىسكە اسىرۋ مەرزىمى – 19 جىل.

سونىمەن قاتار 2019 جى­لى 6 جىلدىق ىسكە اسىرۋ مەرزىمىمەن «گۋمانيتارلىق كوللەدجى» مەملەكەت­تىك كوم­مۋ­نالدىق قازىنالىق كاسىپ­ورنىن سەنىمگەرلىك باسقارۋعا بەرۋ» جانە «استانا حا­لىق­ارالىق ۋنيۆەر­سيتەتى» جشس-نا سەنىمگەرلىك باس­قارۋعا بەرۋ» تۋرالى ءمجا جوباسى­نىڭ كەلىسىمشارتى جاسالعان. بۇل جوبانىڭ ماقسات-مىندەتى – ۇزدىكسىز پەداگوگيكالىق ءبىلىم بەرۋ جۇيەسىن قۇرۋ; ۇلت­تىق، حالىقارالىق ورتا­­لىق­تار اككرەديتتەگەن زا­ماناۋي اكا­دەميالىق باع­دار­لامالاردى قولدا­نۋ، پەداگوگتەردىڭ بىلىكتىلىگىن ارتتىرۋ كۋرستارىن وتكىزۋ ەسەبىنەن پەدا­گوگيكالىق ءبىلىم الاتىن ستۋدەنت­تەردى دايارلاۋ، ساپاسىن ارتتىرۋ; پەداگوگتىڭ جاڭا كاسىبي ستاندارتىن جانە مەكتەپتە ءبىلىم بەرۋدىڭ جاڭا ستاندارتتارىن ىسكە اسىرۋدى قامتاماسىز ەتۋ، پراكتيكالىق دايىن­دىق جانە ەڭبەك نارىعىن پەداگوگ كادرلارمەن قامتاماسىز ەتۋ.

جاڭا مەكتەپتەر قۇرى­لى­سىنا سەرپىن بەرگەن جوبا­لاردىڭ ءبىرى رەتىن­دە Binom مەكتەپتەرى ەرەكشە­لەنەدى. وسىناۋ تىڭ باستاما 2021 جىلى «Binom education» جشس مەن استانا قالاسىنىڭ قۇرىلىس باسقارماسى، ءبىلىم باسقارماسى، «Bereke Bank» اق ەب اراسىندا جاسالعان ءمجا شارتتارى ارقىلى قول­عا الىندى. اتال­عان جوبا نەگىزىندە بىلتىر ءتورت مەكتەپ پايدالانۋعا بەرىلدى. بۇل مەك­تەپ­تەرگە ق.ساتباەۆ، ءا.بوكەيحان، ق.مىرزا ءالي، ا.بايتۇرسىن ۇلى اتتارى بەرىلدى. ال بيىل قىركۇيەكتە ى.التىنسارين اتىنداعى مەكتەپتىڭ ەسىگى ايقارا اشىل­دى. جىل سوڭىنا دەيىن ءا.كە­كىلباەۆ اتىنداعى مەكتەپ پايدالانۋعا بەرىلمەك. ىسكە اسىرۋ مەرزىمى 5 جىل بولاتىن جوبانىڭ ماقساتى – جالپى ءبىلىم بەرۋ ۇيىمدا­رىنداعى ورىن تاپشىلىعىن ازايتۋ. ال «Binom school» جەلىسىنىڭ ءار مەكتە­بىنىڭ جوبالىق قۋاتى 2 مىڭ ورىندى قۇرايدى. مىنە، وسىنداي شارۋالارمەن ەلورداداعى ءبىلىم كوكجيەگى كەڭەيىپ جاتىر.

بۇگىندە قالادا بالا سا­نى شامادان تىس 18 مەكتەپ بار. بۇعان قوسا ءۇش اۋىسىم­دى 8 مەكتەپ جۇمىس ىستەپ تۇر. حالىق سانىنىڭ جىل سايىنعى ءوسۋىن ەسكەرسەك، الەۋمەتتىك نىساندارعا، ونىڭ ىشىندە ءبىلىم وشاقتارىنا دەگەن سۇرانىس تىم جوعارى. سوندىقتان وقۋشىلاردى ءتيىس­تى وقۋ ورىندارى­مەن قام­تاماسىز ەتۋ جانە ءبىلىم بەرۋ ۇيىمدارىنا ارتىلىپ جاتقان جۇك­تەمەنى جەڭىلدەتۋ ءۇشىن جىل سايىن كەمىندە 10 مەكتەپ سالۋ قاجەتتىلىگى بار. بۇل تۇرعىدا كەيىنگى 3 جىلدا 34 مەكتەپ سالىنىپ، 70 مىڭ وقۋ­شىنى قامتۋعا مۇمكىندىك تۋدى.

سونداي-اق استانادا پرە­زي­دەنت باقىلاۋىنداعى «جاي­لى مەكتەپ» ۇلتتىق جوباسى بويىنشا دا اۋقىمدى جۇمىس اتقارىلىپ جاتىر.

«ۇلتتىق جوبا اياسىندا «سامۇرىق-قازىنا قۇرىلىس» اكتسيونەرلىك قوعامى ەسەبىنەن جانە بيۋدجەتتىك ينۆەستيتسيا­مەن ەكى اۋىسىمدا 90 مىڭ وقۋ­شىنى قامتيتىن 24 مەك­­­تەپتى سالۋ جوسپارلاندى. اتالعان مەكتەپتەردىڭ قۇرى­لىسى 2023 جىلى باستا­لىپ 2025 جىلعا دەيىن پايدالانۋعا بەرىلەدى. بۇل قۇرىلىستاردى جوسپارلاۋ بارىسىندا بالالاردىڭ مەكتەبى ۇيىنەن الىس بولماۋى ەسكەرىلىپ وتىر. وسى ماق­سات­تا استانا قالاسىنىڭ باس جوسپارىنا سايكەس 102 جەر تەلىمى قاراستىرىلۋدا. سون­داي-اق جاڭا مەكتەپتەردى سالىپ قانا قويماي، ولاردىڭ ماتەريالدىق-تەحنيكالىق بازاسىن جاڭارتۋعا دا باسا ءمان بەرىلىپ جاتىر. وسى جىلى 37 ءبىلىم بەرۋ ۇيىمىنا (15 مەك­تەپ، 21 بالاباقشا، 1 كول­لەدجگە) كۇردەلى جانە اعىم­داعى جوندەۋ جۇمىستارى جۇر­گىزىلدى»، دەدى قالالىق ءبىلىم باسقارماسىنىڭ باسشىسى قاسىمحان سەنعازى ۇلى.

راسىمەن، مەكتەپ ىشىندەگى پاندىك كابينەتتەردىڭ زاماناۋي تالاپتارعا سايكەس­تەندىرىلۋى ءبىلىم ساپاسىن ارتتى­رۋعا سەپ. وسى تۇستا قا­لا مەكتەپتەرىنە جاڭا مودي­فيكاتسياداعى 51 پاندىك كابينەتتەر (حيميا، فيزيكا، بيو­لوگيا) ساتىپ الىنعانىن اتاپ وتكەن ءجون. بۇعان قو­سا بيىل وقۋشىلاردىڭ قاۋىپ­سىزدىگىن قامتاماسىز ەتۋ ماق­سا­­تىندا ءبىلىم ۇيىمدارى 100% بەينە­باقىلاۋمەن قام­تا­ماسىز ەتىلگەن جانە ىشكى ىس­تەر دەپارتامەنتىنىڭ جەدەل باسقارۋ ورتالىعىنا قوسىل­عان.

مەملەكەت باسشىسىنىڭ «وقۋعا قۇشتار مەكتەپ» جوباسىن ىسكە اسىرۋ اياسىندا ءبىلىم بەرۋ ۇيىمدارىنىڭ كىتاپحانا قورلارى دا كوركەم ادەبيەت­پەن تولىقتىرىلعان. 36 مەكتەپتە كىتاپحانالار قايتا جاڭارتىلىپ، وقىرماندارعا ارنالعان سoworking-تەر دە اشىلدى. وسىناۋ يگىلىكتەردىڭ بارلىعى وقۋشىلاردىڭ ساپالى ءبىلىم الۋىنا ىقپال ەتىپ جاتىر. ونىڭ ءبىر دالەلى ەلوردالىق وقۋشىلاردىڭ ءار­تۇرلى دەڭگەيدەگى وليمپيا­دالار مەن عىلىمي جوبالاردا جەتكەن جەتىس­تىكتەرىنەن ايقىن كورىنەدى. اتاپ ايتقاندا، بيىلدىڭ وزىندە ەلوردالىق كو­ماندا رەسپۋبليكالىق وليم­پيادادا رەكوردتىق جە­تىس­تىككە جەتىپ، 24 ال­تىن، 29 كۇمىس جانە 40 قولا مەدال يەلەنگەن.

سونىمەن قاتار ينكليۋ­زيۆتى ءبىلىم بەرۋ نازاردان تىس قالعان ەمەس. بۇگىن­دە
20 مەكتەپتىڭ بازاسىندا رە­سۋرستىق ورتالىقتار مەن ينكليۋزيانى قولداۋ كا­­­بي­­­­نەتتەرىنىڭ جۇمىسى جۇيە­لەنگەن. جىل باسىنان بەرى ينكليۋزيۆتىك ءبىلىم بەرۋ باعى­تى بويىنشا «اسىل مي­راس» ءاۋتيزمى بار بالالار­دى قولداۋ
ور­تالىعى مەن №6 پسيحولو-
گيالىق-مەديتسي­­نا­­لىق-پەداگو-
گيكالىق كونسۋل­تاتسيا (پمپك) ۇيىمدارى اشىل­عان. جاڭا وقۋ جىلىنان باستاپ №88 مەكتەپ-ليتسەيىندە كورۋ قابىلەتى بۇزىلعان بالالارعا ارنالعان 4 ارنايى سىنىپتىڭ جۇمىسى ۇيىم­داستىرىلسا، جەلتوقسان ايىنىڭ سوڭىنا دەيىن اۋتيزم دياگنوزى بار با­لالاردى قولداۋ بويىنشا تاعى دا ءبىر ورتالىقتى ىسكە قوسۋ جوسپارلانۋدا. بالالار سانىنىڭ ءوسۋىن ەسكەرە وتىرىپ، 2023 جىلى تاعى ەكى پمپك اشۋ كوزدەلۋدە.

ۇلت بولاشاعىنىڭ كوسە­گە­سىن بىلىم­مەن كوگەرتكەن ەلدىڭ ەرتەڭى كەمەل، ەڭسەسى بيىك. ء«بىلىمدىنىڭ كۇنى جا­رىق» دەگەندەي، ءبىلىم باسە­كەسىندە ءباسى بيىكتەگەن ەلوردا وقۋ­شىلارىنىڭ ءار كۇنى شۋاقتى.

 

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار