قىسقى سپورت ماۋسىمىنىڭ باستالعانىنا كوپ بولا قويماسا دا, الەمدىك ارەنادا باق سىناپ جۇرگەن قازاقستاندىق سپورتشىلار ورەلى ونەرىمەن كوزگە ءتۇسىپ جاتىر. ماسەلەن, رۋكاداعى فريستايل-اكروباتيكانىڭ العاشقى كەزەڭىندە قازاقستاندىق جانبوتا الدابەرگەنوۆا ءساتتى ونەر كورسەتىپ, بيىلعى الەم كۋبوگىندەگى ءبىرىنشى قولا جۇلدەسىن جەڭىپ الدى. ۇلتتىق قۇراما كوشباسشىسى فينالداعى جاتتىعۋىندا 80,04 بالل جيناپ, ۇزدىك ۇشتىكتىڭ قاتارىنان كورىندى. وسىلايشا, جانبوتا الەم كۋبوگىندەگى جارىستاردا وسىمەن بەسىنشى مارتە جەڭىس تۇعىرىنا كوتەرىلدى. قازىرگى تاڭدا ول الەم كۋبوگىنىڭ رەيتينگىندە ۇزدىك ۇشتىكتىڭ قاتارىندا تۇر.
العاشقى كەزەڭدە اۋستراليالىق دانيەل سكوتت توپ جارسا, كانادالىق ماريون تەنوۋلت كۇمىس جۇلدەگە يە بولدى. قازاقستاندىق ايانا جولداس پەن اردانا ماحانوۆا ىرىكتەۋ كەزەڭىنەن وتە المادى.
