ءبىلىم • 06 جەلتوقسان، 2022

ۇلىتاۋ اۋىلىنىڭ تىرەك مەكتەبى ءوڭىردىڭ ۇزدىگى اتانۋدى ماقسات ەتىپ وتىر

360 رەت كورسەتىلدى

6 جەلتوقسان كۇنى ۇلىتاۋ اۋىلدىق مەكتەبىندە «اۋىلدىق ايماقتارداعى تىرەك مەكتەپتەرىنىڭ الەۋەتىن ارتتىرۋ» جوباسى تانىستىرىلدى، دەپ حابارلايدى Egemen.kz.

جوبا ءبىلىم بەرۋ ساپاسىن ارتتىرۋعا، اۋىل مەكتەپتەرىنە ۇزدىك پەداگوگيكالىق تاجىريبەلەر مەن ءتيىمدى ادىستەمەلەردى ترانسفەرتتەۋگە جانە تىرەك مەكتەپتەردىڭ قاجەتتى ماتەريالدىق-تەحنيكالىق بازاسىمەن قامتاماسىز ەتۋگە باعىتتالعان. مەكتەپ 17 اۋىلدىق مەكتەپتى زاماناۋي جابدىقتارمەن قامتاماسىز ەتۋ جوباسىندا التىنشى بولدى.

«قازىرگى تاڭدا مەكتەبىمىزدە تاماشا ناتيجەلەرگە قول جەتكىزىپ، وڭىردەگى ۇزدىكتەردىڭ قاتارىنان تابىلۋ ءۇشىن بارلىق جاعداي جاسالعان دەپ ايتا الامىن. جوبانىڭ ارقاسىندا ءبىزدىڭ وقۋشىلارىمىز زاماناۋي زەرتحانالاردا جاراتىلىستانۋ عىلىمدارىن زەردەلەۋگە، جابدىقتالعان شەبەرحانالاردا جاڭا تەحنولوگيالاردى تالداۋعا، كاسىبي تەلەستۋديادا الەۋمەتتىك روليكتەر تۇسىرۋگە جانە ت.ب. مۇمكىندىك الدى. سونىمەن قاتار، ءبىز مۇعالىمدەردىڭ ءبىلىم-بىلىكتىلىگىنە ەرەكشە نازار اۋدارامىز. مىسالى، «اۋىلدىق ايماقتاردا تىرەك مەكتەپتەرىنىڭ الەۋەتىن ارتتىرۋ» بىرلەسكەن جوباسى اياسىندا «نازارباەۆ زياتكەرلىك مەكتەبى» بازاسىندا مۇعالىمدەردىڭ تاجىريبەدەن ءوتۋ باعدارلاماسى ىسكە قوسىلدى. دەمەك، ەلىمىزدىڭ ۇزدىك وقۋ ورنىنىڭ تاجىريبەسىن پايدالانىپ، ەڭ مىقتى ماتەريالدىق-تەحنيكالىق بازاسى بار مەكتەپ رەتىندە بولاشاققا دەگەن ءورشىل جوسپار قۇرىپ وتىرمىز»، دەيدى مەكتەپ ديرەكتورى تولەگەنوۆا جانار بەيسەنقىزى.

ف

جوبا اياسىندا 34 وقۋ كابينەتتەرى، STEM لابوراتوريا، لوگوپەد، ارت-ستۋديا، شەبەرلىك كلاسستارى اشىلعان. سونداي-اق الداعى ۋاقىتتا باسقا دا مەكتەپتەرمەن ونلاين تاجىريبە الماسۋعا مۇمكىندىك بەرەتىن تەلەستۋديا جاساقتالعان.

قارجىلاۋندىرۋ «قازاقستان حالقىنا» قورى تاراپىنان جۇرگىزىلىپ، وعان 249 825 000 تەڭگە ءبولىندى. Beeline Kazakhstan كومپانياسى جوبا دونورى رەتىندە تانىلادى.

ءبىلىم بەرۋدى تۇراقتى دامىتۋ قورىنىڭ جانە جوبا سەرىكتەسى «نازارباەۆ زياتكەرلىك مەكتەبى» ماماندارىنىڭ كۇشىمەن مەكتەپتەگى ءبىلىم بەرۋ ورتاسى مەن وقىتۋ ساپاسىن تالداۋ بويىنشا جۇمىستار جۇرگىزىلدى. تالداۋ ناتيجەلەرى نەگىزىندە مەكتەپتى دامىتۋ، ءبىلىم بەرۋ ساپاسىن ارتتىرۋ بويىنشا ۇسىنىستار جاسالىپ، ۇستازدارعا قاجەتتى بىلىكتىلىك ارتتىرۋ كۋرستارى بەلگىلەندى.

پەداگوگيكالىق قۇرامعا ارنالعان قارقىندى وقىتۋ باعدارلاماسى

2023 جىلدىڭ اقپانىنا دەيىن وتكىزىلەدى. الايدا باعدارلاما اياقتالعاننان كەيىن دە مەكتەپ 2025 جىلعا دەيىن ءۇش جىلدىق ادىسنامالىق سۇيەمەلدەۋگە كوشەدى.

«ەڭ الدىمەن، قازاقستان حالقىنىڭ باسىم بولىگى اۋىلدىق جەردە تۇراتىنىن ۇمىتپاۋىمىز كەرەك. سوندىقتان اۋىل وقۋشىلارى قالا بالالارى سياقتى ءتۇرلى مۇمكىندىككە يە بولۋى كەرەك. بۇگىندە ءبىز تىرەك مەكتەپتەردى دامىتۋمەن اينالىسامىز، ايتكەنى ونسىز اۋىل ءبىلىمىن كوتەرۋ تىپتەن مۇمكىن ەمەس. جوبا قازىر قازاقستاننىڭ 17 وبلىسىن قامتيدى، وندا 13 000-عا جۋىق بالا وقىپ، 2 000-عا جۋىق مۇعالىم جۇمىس ىستەيدى»، دەيدى ءبىلىم بەرۋدى تۇراقتى دامىتۋ قورىنىڭ ديرەكتورى دانيار توقتارباەۆ.

ف

ۇلىتاۋ مەكتەبىندە 400-گە جۋىق بالا وقيدى.

«وتباسىمىزدا ءۇش وقۋشى بار. ءبارىمىز №1 مەكتەپتە وقيمىز. ەگەر بۇرىن كۇننىڭ سۋىعى، نە كانيكۋل بولسىن، ساباققا بارماعانىمىزعا قۋانساق، قازىر مەكتەپكە اسىعامىز. ۇزىلىستە وينايتىن ۇستەل تەننيسى، فۋتبول سياقتى ويىنداردان باستاپ، كەڭ كىتاپحانا، كىرەبەرىستە جۇمساق ديۆاندار قويىلعان. ماعان قاتتى ۇنايدى. ءبىزدىڭ ۇستازداردى ەڭ مىقتى دەر ەم. سوندىقتان بولۋ كەرەك، ساباقتى كۇندە قىزىعا وقي بەرگىم كەلەدى»، دەيدى اپتىعا التىنشى سىنىپ وقۋشىسى بەيسالى ايزادا.

اتاپ ءوتۋ كەرەك، شارا «اشىق ەسىك كۇندەرى» فورماتىندا ءوتتى. وعان اۋىلدىڭ بەلسەندى ازاماتتارى، جەرگىلىكتى اتقارۋشى ورگان قىزمەتكەرلەرى، بۇقارالىق اقپارات قۇرالدارىنىڭ وكىلدەرى، جوبا دەمەۋشىلەرى مەن سەرىكتەستەرى قاتىستى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

ۇقساس جاڭالىقتار