اپاتتى جويۋ جونىندەگى شتاب باسشىسى – قر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ حابارلاۋىنشا, 6 جەلتوقسان كۇنى ساعات 08.00-دەگى جاعداي بويىنشا كىرەبەرىستەردى جىلۋعا قوسۋ جۇمىستارى 4 ۇيدە جۇرگىزىلىپ جاتىر. بۇل جۇمىستاردى بۇگىن اياقتاۋ جوسپارلانعان. زارداپ شەككەن نىساندارعا بەكىتىلگەن كاسىپورىندار تاۋلىك بويى ينجەنەرلىك كوممۋنيكاتسيالاردى قالپىنا كەلتىرۋ جۇمىستارىمەن اينالىسۋدا.
6 جەلتوقسان كۇنى تاڭعى ساعات 04:30-دا №6 شاعىن اۋدانداعى ورامىشىلىك جىلۋ جەلىسىندە قۇبىر جارىلدى (جىلۋ قۇبىرىن بۇراتىن تستپ 63, ديامەترى 159). وعان جوندەۋ بريگادالارى جىبەرىلدى. وسىعان بايلانىستى باۋىرجان مومىش ۇلى كوشەسىندەگى 42, 54, 46, 44, 48, 50, 52 جانە ءماشھۇر ءجۇسىپ كوشەسىندەگى 59, 61, 65, 57ا, 63, 63ا, 63ب, 67ا تۇرعىن ۇيلەرىنە ىستىق سۋ بەرۋ قىسقا ۋاقىتقا توقتاتىلدى, قۇبىردى ساعات 14:00-دە دەيىن جوندەۋ كوزدەلگەن.
ەستەرىڭىزگە سالا كەتەيىك, ەكىباستۇزدا بارلىعى 689 كوپقاباتتى ءۇي بار. جوندەۋ-قالپىنا كەلتىرۋ جۇمىستارىنا 851 ادام جۇمىلدىرىلعان.
