ايماقتار • 06 جەلتوقسان، 2022

ءابساتتار دەربىسالى اتىنداعى ءدارىسحانا

102 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتىندە اكادەميك، فيلولوگيا عىلىمدارىنىڭ دوكتورى، پروفەسسور، شىعىستانۋشى عالىم، ديپلومات ءابساتتار قاجى دەربىسالىنىڭ تۋعانىنا 75 جىل تولۋىنا وراي «شىعىستانۋ جانە رۋحانيات ماسەلەلەرى» تاقىرىبىندا حالىقارالىق عىلىمي-تەوريالىق كونفەرەنتسيا ءوتتى.

ء«ال-فارابي» اتىنداعى كىتاپ­حانادا «اكادەميك ءابساتتار دەربىسالى اتىنداعى سيرەك كىتاپ­تار مەن قولجازبالار قورىنىڭ» اشىلۋىمەن باستالعان القالى جيىن بارىسىندا شىعىستانۋ فاكۋلتەتىندە اكادەميك ءابسات­تار دەربىسالى اتىنداعى ءدارىسحانا اشىل­دى. كونفەرەنتسيانى ءال-فارا­بي اتىنداعى قازۇۋ رەكتورى جان­سەيىت تۇيمەباەۆ اشىپ، اكادەميك ءابساتتار دەر­بىسالىنىڭ ءومىر جولىنا، ەل عىلى­مىنىڭ دامۋى­نا قوسقان سۇبەلى ەڭبەگى، وقۋ-اعار­­تۋ­شىلىق قىزمەتىنە توقتالدى. 

القالى جيىن بارىسىندا پارلا­مەنت سەناتىنىڭ تور­اعاسى ماۋلەن اشىمباەۆتىڭ، پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ، پرەزيدەنت اكىمشىلىگى باسشىسىنىڭ ورىنباسارى ايدا بالاەۆانىڭ،  اقپارات جانە قوعامدىق دامۋ ءمينيسترى دارحان قىدىرالىنىڭ، عىلىم جانە جوعارى ءبىلىم ءمينيسترى ساياسات نۇربەكتىڭ قۇتتىقتاۋ حاتتارى وقىلدى.

پارلامەنت سەناتىنىڭ تور­اعا­سى ماۋلەن اشىمباەۆ­تىڭ قۇت­­تىق­تاۋ حاتىندا: ء«ابسات­تار دەر­بىسالى قازاق­ستان مۇسىلمان­دارى ءدىني باسقارما­سىنىڭ تور­اعاسى، باس ءمۇفتي رەتىندە ەلىمىز­دەگى بەيبىتشىلىك پەن كەلىسىمنىڭ نىعايۋىنا زور ەڭبەك ءسىڭىردى. عالىمنىڭ ەڭبەكتەرى يسلام الەمى ءۇشىن قۇنى جوعارى. ەل ءۇشىن ايانباي ەڭبەك ەتكەن تۇلعانىڭ  پاراسات پەن تاعىلىمدى ءومىرىن كەڭى­نەن دارىپتەۋ بارشامىزدىڭ ازا­ماتتىق پارىزىمىز. وسى تۇرعىدا بۇگىنگى شارانىڭ ماڭىزى زور» دەلىنگەن.

سانالى عۇمىرىن عىلىم مەن بىلىمگە ارناعان عالىمنىڭ ءدىني اعارتۋ سالاسىنداعى ەڭبەگى، قازاق­ستان مۇسىلماندارى ءدىني باس­قارماسىن باسقارعان جىلدار­داعى وقۋ-اعارتۋ سالاسىن­داعى عىلى­مي ەڭبەكتەرى، عيبراتتى شىعار­مالارى قوعامدى ىزگىلىككە ۇندەدى. قازاقستان مۇسىلماندارى ءدىني باسقارماسىنىڭ توراعا­سى، باس ءمۇفتي ناۋرىزباي قاجى تاعان ۇلى وسى جيىندا بايانداما جاساپ، اكادەميك ءابساتتار قاجى دەربىسالى باسشىلىق ەتكەن جىلداردا قمدب جاڭا كەزەڭگە اياق باسقانىن اتاپ ءوتتى.

ء«ابساتتار قاجى دەربىسالى سانا­لى عۇمىرىن عىلىم مەن بىلىم­گە ارناعان عالىم. وزىنە جۇك­تەلگەن ءدىنباسى قىزمەتىن ابى­­رويمەن اتقاردى. ءدىن سالا­سىن­دا قۇجاتتاندىرۋ، ءىس قاعاز­دارىن جۇرگىزۋ ماسەلەسىن رەتكە كەلتىردى. ءدىني ماماندارىن دايارلاۋ ىسىنە كوڭىل ءبولىپ، 2001 جىلى «نۇر-مۇباراك» مىسىر-يسلام مادەنيەتى ۋنيۆەرسيتەتىن اشتى. قازىرگى تاڭدا اتالعان ءبىلىم ورداسى ءدىني جوعارى ءبىلىمدى، بىلىكتى ماماندار دايارلايتىن وقۋ ورنىنا اينالدى. سونداي-اق ەلىمىزدىڭ توعىز ايماعىنان توعىز مەدرەسە، ءبىر قاريلار دايىندايتىن ورتالىق اشىلدى. اكادەميك «مەشىت پەن مەدرەسەلەر» كىتابىندا ەلىمىزدەگى تاريحي، زاماناۋي مەشىتتەر، كونە جانە كەيىننەن اشىلعان مەدرەسەلەر جونىندە كەڭىنەن اقپارات بەردى. الداعى ۋاقىتتا قمدب تورالقا ماجىلىسىندە حازىرەتىمىزدىڭ اتىن ەلىمىزدەگى ءبىر مەشىتكە بەرۋ جوس­پارلانۋدا»، دەدى باس ءمۇفتي.

مەملەكەت جانە قوعام قايرات­كەرلەرى، تۇركيا، رەسەي، مىسىر، يوردانيا، وزبەكستان، تاجىكستان، يران مەملەكەتتەرىنىڭ ەلشىلەرى مەن كونسۋلدارى، ءدىن سالاسىنىڭ قىزمەت­كەرلەرى، قازۇۋ-ءدىڭ وقىتۋ­شى-پروفەسسورلار قۇرامى جانە ءبىلىم الۋشى جاستار قاتىسقان جيىن بارىسىندا ء«ابۋ ناسىر ءال-فارابي شەتەل جانە قازاقستان عالىمدارىنىڭ زەرتتەۋلەرىندە» كىتابى مەن «اكادەميك ءابساتتار دەربىسالى عالىمنىڭ عيبراتتى ءومىر جولى» اتتى ەستەلىك  كىتاپتارىنىڭ  تانىستىرىلىمى ءوتىپ، سەكتسيالىق جۇمىستارمەن جالعاستى.

 

الماتى

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار