قوعام • 06 جەلتوقسان، 2022

جوندەۋشى تاپشى

37 رەت كورسەتىلدى

جىلۋ جۇيەسىندەگى اپاتتى قالپىنا كەلتىرۋ جۇمىستارى ەكىنشى اپتاعا كەتتى. شاھارداعى بارلىق ءۇيدىڭ جەرتولەسىنە جىلۋ كىرگەنىمەن، پاتەرلەردەگى قاتىپ قالعان قۇبىرلار مەن كارىز جۇيەسىن رەتتەۋ قيىنعا سوعىپ تۇر. تۇرعىندار جوندەۋ بريگادالارىنىڭ جەتىسپەيتىندىگىنە، كەيبىرى جىلۋ باتارەيالارىن ءوز قاراجاتتارىنا ساتىپ الىپ جاتقانىنا شاعىمدانىپ جاتىر.

قازىر كومىرلى شاھاردا پروبلەما تۋىنداپ تۇرعان كوپقاباتتى 70-تەن استام ءۇي بار. جوندەۋ بري­­گا­دالارى ءار تۇرعىن ءۇي ءۇشىن كۇنى-ءتۇنى جانتالاسىپ، ىشىنە مۇز قاتقان قۇبىرلاردى جىبىتۋگە ءتۇرلى ءادىس قولدانۋدا. توتەنشە جاعداي قىز­مەتىنىڭ ارنايى جىلىتقىش قوندىرعىلارى جەرتولەلەر مەن پودەزدەر ىشىنە ۇلكەن قۇبىرلار ەن­گىزىپ، عيماراتتاردى جىلىتۋعا تىرىسىپ ءجۇر. الايدا كەشەلى-بەرى قىسا تۇسكەن اياز قالپىنا كەلتىرۋ جۇمىستارىنا ايتارلىقتاي كەدەرگى كەلتىرۋدە.

ءماشھۇر ءجۇسىپ كوشەسى، №46 ءۇي تۇرعىنى لاريسا پۋزيكوۆا 9 تاۋلىكتەن بەرى جىلۋسىز وتىرعانىن ايتادى. ال ساتباەۆ كوشەسى، №8 ۇيدە تۇرا­تىن ليۋدميلا كازانتسەۆا ەسىمدى ەكى­باستۇزدىق انا ءۇي يەلەرىنىڭ امالدارى ابدەن قۇرىعانىن، پاتەر ىشىندەگى تەمپەراتۋرا نولدەن تو­مەن بولىپ تۇرعانىن جەتكىزدى. «تۇر­مىس­تىق تەحنيكالارىمىز قاتىپ قالعان، ەلەكتر جەلىسىنە قوسۋعا مۇلدە جاراماي­دى. ەلەكتر جارىعى قايتا-قايتا سونەدى»، دەدى ول.

ەكىباستۇزدا اپات باستالماس بۇ­رىن جىلۋ پارامەترلەرى ءتۇسىپ كەتكەن باس­پانالار دا بار بولىپ شىقتى. ماسەلەن، ەنەرگەتيكتەر كوشەسى، 83 مەكەنجايىنداعى كوپقاباتتى ءۇي 25 قاراشادان بەرى قيىن جاعدايدا تۇر. شاھاردا كەشەندى اپات ورىن العان كۇنى ءۇي يەلەرى قۇبىرلارداعى سۋدى اعىزىپ جىبەرگەن. جوندەۋ بريگادالارىنا بەرىلگەن تىزىمدە بۇل ءۇي جوق. «شۇعىل جەلىگە» حابارلاسسا، ونداعىلار جوندەۋ بريگادالارىنىڭ جەتىسپەيتىنىن ايتقان.

اپاتتى قالپىنا كەلتىرۋ جونىن­دەگى جەدەل شتابتىڭ ەسەبىنە سۇيەنسەك، بارلىعى تالاپقا ساي قوسىلىپ جاتىر. الگىندەي ۇيلەر ءتىپتى اتالمايدى. ماسەلەن، جەدەل شتابتىڭ جەتەكشىسى، پرەمەر-ءمينيستردىڭ ءبىرىنشى ورىنباسارى رومان سكليار كەشە جوعارىدا اتالعان 70-تەن استام ءۇيدىڭ جىلىتۋ توراپتارىندا جوندەۋ جۇمىستارى اياقتالعانىن حابارلادى. قازىر پاتەرلەردىڭ ىشىندەگى قۇبىرلار مەن رەگيسترلەردى قوسۋ ءجۇرىپ جاتىر. سونىمەن قاتار ماماندار سۋ جانە كارىز جۇيەلەرىن قالپىنا كەل­تىرۋدە. جوندەۋ-قالپىنا كەلتىرۋ جۇمىستارىنا جالپى سانى 851 ادام جۇمىلدىرىلعان.

– اپات سالدارىنان جىلۋدان اجىراپ قالعان بارلىق ءۇيدىڭ جەرتو­لە­سىنە دەيىن جىلۋ كىرگىزىلدى، جىلۋ اينالىمى قالپىنا كەلە باستادى. جوندەۋ بريگادالارى جەكسەنبى كۇنى كەشكى 20.00-گە دەيىن ۇيلەردىڭ ىشىندەگى 850 جىلۋ باتارەيالارىن ايىرباستادى. ستانسادا ىسىراپ بولىپ جاتقان سۋ كولەمى شامامەن 360 توننا، كاسىپورىن بۇعان قوسىمشا تاعى 350 تونناداي جوعالتىپ وتىر. وكىنىشكە قاراي، كەيبىر ۇيلەردە پيك-تەر ءتيىستى شارالاردى ۋاقتىلى اتقارماي، سونىڭ سالدارىنان جۇيە­لەر ايازدا قاتىپ قالعان. قازىر ساتباەۆ كوشەسى، 8 ءۇي، ءماشھۇر ءجۇسىپ كوشەسى، 52 ءۇي، اۋەزوۆ كوشەسىندەگى №47، 46، 46ا، شەشەمبەكوۆ كوشەسى، 19ا ۇيلەرىندە قيىندىق تۋىنداۋدا. شتاب جەتەكشىسى، ۇكىمەت باس­شى­سى­نىڭ ءبىرىنشى ورىنباسارى رومان سكلياردىڭ تاپسىرماسىمەن ءار ۇيگە بەلگىلى ءبىر كاسىپورىندار بەكىتىلدى. الگى كاسىپورىنداردىڭ باسشىلارى قالپىنا كەلتىرۋ جۇمىس­تا­رى­نىڭ باسى-قاسىندا وزدەرى ءجۇر. بۇل جاعداي بارلىق زاقىمدانۋ تولىق قالپىنا كەلتىرىلگەنشە ساقتا­لادى. ۇيلەردى جىلۋعا قوسۋ جاقىن ۋا­قىت­تا اياقتالادى دەپ وتىرمىز، – دەدى پاۆلودار وبلىسى اكىمىنىڭ مىن­دە­تىن ۋاقىتشا اتقارۋشى ولەگ كرۋك بۇرناعى كۇنى وتكەن بريفينگتە.

شتاب وكىلدەرى اپاتتى جويۋ شارا­لارىنا بەلسەندى اتسالىسىپ جاتقان «ساەم» كومپانياسىنا، «شىعىس» كەنىشى، ماەس-1، ماەس-2 ستانسالارىنا، «بوزشاكول» كبك-عا، «بوگاتىر كومىر» جانە كەگوك كاسىپورىندارىنىڭ باسشىلىعىنا، سونداي-اق ءوز جۇمىسىن ادال اتقارىپ جۇرگەن پيك-تەردىڭ وكىلدەرىنە العىس­تارىن ءبىلدىردى. ايازدا تۇرعىن­دار مەن جوندەۋ بريگادالارىنا ىستىق شاي مەن اس-اۋقات تاسىپ جۇر­گەن ەرىكتىلەردىڭ ەڭبەگى دە ماق­تاۋ­عا لايىق.

قالا باسشىسى ايان بەيسەكيننىڭ ايتۋىنشا، اپاتتان زارداپ شەككەن تۇرعىنداردىڭ بارلىق شى­عى­نىن وتەۋدى «ورتالىق ازيا ەلەك­ترو­­­ەنەرگەتيكالىق كورپو­را­تسيا­سى» اق ءوز مىندەتىنە الىپ وتىر. جوندەۋ جۇمىستارىندا پايدالانىلىپ جاتقان قۇبىرلار مەن رادياتورلار نەگىزىنەن اتالعان اق-نىڭ جانە دەمەۋ­شىلەردىڭ ەسەبىنەن ساتىپ الىنىپتى. بارلىق كوپقاباتتى تۇرعىن ۇيلەردىڭ جىلۋ توراپتارى قالپىنا كەلگەن سوڭ جوندەۋ بريگادالارى سۋىق سۋ قۇبىرلارىن جىبىتۋگە جانە جۇيەلەرى قاتىپ جاتقان 70 جەكە ءۇيدىڭ قۇبىرلارىن رەتتەۋگە اتتانادى. بۇعان قوسا وجپ-52 نىسانىنا جانە وزگە دە ماگيسترالدارعا قوسىلعان بىرنەشە الەۋمەتتىك نى­ساننىڭ جۇيەلەرىن دۇرىستاۋ كوزدەلىپ وتىر.

«ەكىباستۇز جىلۋ-ەنەرگو» جشس-نىڭ باسشىلىعى كەشە تۇسكە قاراي ستانسا شتاتتى رەجىمدە جۇمىس ىستەپ تۇرعانىن، جىلۋ تاسىمال­دا­عىشتارداعى سۋدىڭ تەمپەراتۋراسى 87، اينالىمداعى سۋ 59 گرادۋس ەكەنىن مالىمدەدى. بۇرناعى كۇنى تۇندە ەكىباستۇزعا 4 مىڭ جىلۋ رادياتورى مەن 20 مىڭ مەتر بولات قۇبىرلار تيەلگەن 15 جۇك كولىگى جەتتى. تاعى 2 مىڭ رادياتور كەشە اكەلىندى. بۇل ماتەريالدار ماگيسترالداعى، ورامىشىلىك جانە ۇيىشىلىك جۇيەلەردى اۋىستىرۋعا پايدالانىلادى. بۇدان باسقا دانە­كەرلەۋ جۇمىستارىن جۇرگىزۋ ءۇشىن قوسىمشا ەلەكترودتار، تەگىستەگىشتەر، جىلۋوقشاۋلاعىش، رۋبەرويد، ىسىرمالار ساتىپ الىن­عان.

ماماندار ەكىباستۇزداعى جاع­داي­دى تولىق رەتكە كەلتىرۋ ءالى ءبىراز ۋاقىتتى تالاپ ەتەتىنىن ايتىپ وتىر.

 

پاۆلودار وبلىسى،

ەكىباستۇز قالاسى

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار