تمد اۋماعىنداعى تاڭداۋلى كومپانيا
«Alageum Electric» – تمد-داعى ترانسفورماتورلار مەن ەلەكترتەحنيكالىق ونىمدەردىڭ ءىرى ءوندىرۋشىسى. كومپانيا 1997 جىلى قۇرىلعان. نەگىزىنەن ەلەكترتەحنيكالىق ونىمدەردى جوبالاۋعا, وندىرۋگە جانە مونتاجداۋعا ماماندانعان. حولدينگتىڭ قۇرىلۋ جولىندا سايدوللا قوجاباەۆ باستاعان ەنتۋزياستاردىڭ ەڭبەگى زور. ولار قازاقستاننىڭ ەلەكترماشينا جاساۋ تاريحىن وزگەرتىپ, باتىل قادام جاسادى. وسىلايشا, 1997 جىلى 17 قاراشادا «Alageum Electric» توبى قۇرىلدى. بۇگىندە ول سالانىڭ يننوۆاتسيالىق دامۋىنىڭ فلاگمانىنا اينالدى.
البەتتە, كومپانيالار توبىنىڭ دامۋ تاريحى كوز الدىمىزدا. تاريحتىڭ ىشىندە ىزدەنىستەر مەن تىڭ جاڭالىقتار, جەتىستىكتەر مەن رەكوردتار, قيىندىقتاردى جەڭۋ مەن كۇردەلى ماسەلەلەردى شەشۋ جاعدايلارى بار. حولدينگ قۇرىلتايشىلارىنىڭ الىستى اڭعارا بىلەتىندىگىنىڭ, «Alageum Electric» كومانداسىنىڭ ساۋاتتى باسقارۋى مەن كاسىبيلىگىنىڭ ارقاسىندا توپ وتاندىق كاسىپورىنداردىڭ الەمدىك نارىقتان لايىقتى ورىن الا الاتىندىعىن ناقتى ىسپەن دالەلدەپ بەردى.
«Alageum Electric» كومپانيالار توبىنىڭ قۇرىلتايشىسى جانە اكتسيونەرى سايدوللا قوجاباەۆتىڭ ايتۋىنشا, حولدينگ قۇرامىنداعى ەڭ كونە كاسىپورىن – كەنتاۋ ترانسفورماتور زاۋىتى. ول 1959 جىلى قۇرىلعان.
– 1997 جىلى «Alageum Electric»-ءتىڭ قاناتىنىڭ استىنا كىرگەن زاۋىت سول كەزدە بانكروتتىقتىڭ از-اق الدىندا تۇرعان ەدى. زاۋىتتىڭ سالىقتار بويىنشا قارىزى 76 ملن تەڭگەگە, جالاقى بويىنشا بەرەشەگى 53 ملن تەڭگەگە جەتتى. 25 جىل ىشىندە زاۋىت بانكروتتىقتى ەڭسەرىپ قانا قويماي, وندىرىستىك پروتسەستەر مەن قارجىلىق ناتيجەلەردى جوعارى دەڭگەيگە كوتەردى. سونىمەن بىرگە تاۋارلىق ءونىمدى ءوندىرۋ دەڭگەيىن 200 ەسە ارتتىردى. ال كومپانيالار توبى بويىنشا ءوندىرىس كولەمى 1 مىڭ ەسە ءوستى, – دەيدى سايدوللا قوجاباەۆ.
1997 جىلى كاسىپورىننىڭ نومەنكلاتۋراسى 10-نان اسپايتىن. ال بۇگىندە ونىمدەردىڭ تىزبەسى 400-دەن اسىپ ءتۇستى. ولاردىڭ بارلىعى دەرلىك قازاقستاندا بۇرىن وندىرىلمەگەن, ەكسپورتتىق سۇرانىسقا يە ونىمدەر. Forbes نۇسقاسى بويىنشا «Alageum Electric» قازاقستانداعى 50 ءىرى جەكە كومپانيالاردىڭ رەيتينگىنە ەندى. بۇل رەتتە ءبىر عانا كەنتاۋ ترانسفورماتور زاۋىتىنىڭ ەل بيۋدجەتىنە تولەيتىن سالىقتىق تولەمدەرىنىڭ جالپى سوماسى كەيىنگى 5 جىلدا 14 ملرد تەڭگەنى قۇراعان.
– حولدينگتىڭ قاناتىنىڭ استىنداعى كاسىپورىننىڭ ءبىرى – ورال ترانسفورماتور زاۋىتى. ول 2014 جىلى پايدالانۋعا بەرىلدى. بۇل كاسىپورىندى «كەنتاۋ ترانسفورماتور زاۋىتى» اق-نىڭ جارتى عاسىرلىق جۇمىس تاجىريبەسىنىڭ جەمىسى دەسە بولعانداي. ويتكەنى زاۋىت ءدال وسى كاسىپورىننىڭ تاجىريبەسى نەگىزىندە ىسكە قوسىلدى. سودان بەرى كاسىپورىن وتاندىق ءونىمدى حالىقارالىق نارىققا ۇسىنىپ كەلەدى. زاۋىتتىڭ وندىرىستىك قۋاتى 13 مىڭ ترانسفورماتوردى قۇرايدى. مۇنداعى ءونىمنىڭ 95 پايىزى ەكسپورتقا باعىتتالعان. زاۋىتتا ەلەكترتەحنيكالىق جابدىقتار ءوندىرىسىنىڭ جاڭا تەحنولوگيالارى ەنگىزىلگەن. قازىر مۇندا 300-گە جۋىق ادام ەڭبەك ەتەدى, – دەيدى «كەنتاۋ ترانسفورماتور زاۋىتى» اق ديرەكتورلار كەڭەسىنىڭ توراعاسى سەرعازى كۇنتۋاروۆ.
جاڭا تەحنولوگيالارعا باسىمدىق بەرەدى
توپ قۇرامىنا كىرەتىن اقتاۋ ترانسفورماتور زاۋىتى – قازاقستاندا بەتوندى ترانسفورماتورلىق پودستانسالاردى وندىرەتىن جالعىز كاسىپورىن. زاۋىتتىڭ نەگىزگى ءونىمى – ەلەكتر قالقان جابدىعى. كاسىپورىن 2018 جىلى ماڭعىستاۋ وبلىسىنىڭ يندۋستريالاندىرۋ كارتاسى شەڭبەرىندە جوبالانىپ, ىسكە قوسىلدى.
سونداي-اق 2018 جىلى شىمكەنت قالاسىندا سالماعى 300 توننا, كەرنەۋى 110, 220, 500 كۆت قۋاتتى ترانسفورماتورلار مەن رەاكتورلار شىعاراتىن Asia Trafo زاۋىتى ىسكە قوسىلدى. ول – ورتالىق ازياداعى ترانسفورماتورلىق جابدىقتار شىعاراتىن ەڭ ءىرى زاۋىت. Asia Trafo-نىڭ نەگىزگى ءونىمى – قۋاتى 500 مۆا-قا دەيىنگى, كەرنەۋى 110, 220, 500 كۆت-تى قۇرايتىن كۇشتىك ماي ترانسفورماتورلارى مەن اۆتوترانسفورماتورلار, رەاكتورلار. زاۋىتتىڭ جوبالىق قۋاتى جىلىنا 12 مىڭ مۆا-دان اسادى. وندىرىسكە پروگرەسسيۆتى جانە ەكولوگيالىق تازا تەحنولوگيالار ەنگىزىلگەن. ولاردىڭ باسىم بولىگىن الەمدىك وندىرۋشىلەر ەندى-ەندى قولدانىلا باستادى. مۇندا كونسترۋكتورلىق قۇجاتتامانى ازىرلەۋدەن باستاپ شىعارىلاتىن بۇيىمداردى تيەپ-جونەلتۋگە جانە سەرۆيستىك قىزمەت كورسەتۋگە دەيىنگى ءوندىرىستى باسقارۋدىڭ جاڭا جۇيەسى ورناتىلعان.
«Alageum Electric» قۇرامىنا ەلىمىزدىڭ وبلىس ورتالىقتارىندا ورنالاسقان 10-نان استام مامانداندىرىلعان مونتاجداۋ باسقارمالارىن بىرىكتىرەتىن «ەلەكترومونتاج» اق دا («ەلمو» اق) كىرەدى. حولدينگ قۇرامىنا ەنگەن ساتتەن باستاپ كاسىپورىن ەكونوميكالىق الەۋەتتى ەداۋىر كۇشەيتتى, بيزنەس-پروتسەستەر جۇيەلەندى ءارى جۇمىس ستاندارتتارى كوتەرىلدى. «ەلەكترومونتاج» اق قۇرامىندا ىستىق مىرىشتاۋ قىزمەتتەرىن ۇسىنا وتىرىپ, ناۋالار, تىرەكتەر, كابەلدىك سورەلەر جانە پەرفوراتسيالانعان قوراپتار شىعاراتىن ەلەكترمونتاج بۇيىمدارى زاۋىتى جۇمىس ىستەيدى.
بىلتىر «Alageum Electric» پەتروپاۆل قالاسىنىڭ «Qyzyljar» ارنايى ەكونوميكالىق ايماعىندا سولتۇستىك ءوڭىر ءۇشىن بىرەگەي كاسىپورىندى – پەتروپاۆل ەلەكترتەحنيكالىق زاۋىتىن ىسكە قوستى. ول ءبىر جىلدا 13 مىڭ ءونىم شىعارا الاتىن وندىرىستىك قۋاتقا يە. كاسىپورىننىڭ باستى ەرەكشەلىگى – شىعارىلاتىن ءونىمنىڭ 98 پايىزى تمد ەلدەرىنە ەكسپورتتالادى. ونىمدەرىنىڭ نەگىزگىلەرىنە تاراتۋ ترانسفورماتورلارىن, جوعارى ۆولتتى ۇياشىقتاردى جانە باسقالارىن جاتقىزۋعا بولادى. «Alageum Electric» كومپانياسى سولتۇستىك قازاقستان وبلىسىنا 10 ملرد تەڭگەدەن استام ينۆەستيتسيا قۇيا وتىرىپ, جاڭا جۇمىس ورىندارىن اشتى. بۇعان قوسا تۇتاس ءوڭىردىڭ وندىرىستىك جانە ەكونوميكالىق وسۋىنە ىقپال ەتتى. كاسىپورىن 350-دەن استام ادامدى جۇمىس ورنىمەن قامتاماسىز ەتە الادى. تۇراقتى جالاقىدان بولەك, قىزمەتكەرلەرىنە تۇرعىن ءۇي بەرىلەدى. ماسەلەن, بيىل 40 پاتەرلى ءۇيدىڭ قۇرىلىسى اياقتالدى. تاعى ءبىر 104 پاتەرلى ءۇي سالۋ جوسپارلانىپ وتىر. وسىلايشا, ءبىر جىل ىشىندە جەرگىلىكتى اكىمدىكتىڭ قولداۋىمەن ارنايى ەكونوميكالىق ايماقتا ەكسپورتقا باعدارلانعان ينۆەستيتسيالىق جوبا ىسكە اسىرىلدى.
– كومپانيا جۇيرىك ۋاقىتپەن جارىسا جۇيتكىپ كەلەدى. تيىسىنشە, ۇنەمى جاڭا تەحنولوگيالاردى ەنگىزۋگە دەن قويادى. ءتيىمدى باسقارۋدىڭ ناتيجەسىندە «Alageum Electric» زاۋىتتارى پاندەميا كەزىندە دە جۇمىس ىستەپ, جاڭا قۋاتتارعا شىعۋدى ويداعىداي جالعاستىردى. پەتروپاۆل ەلەكترتەحنيكالىق زاۋىتىنان بولەك, بەرتىندە ىسكە اسىرىلعان جوبالاردىڭ قاتارىنا وسى جىلى ورال قالاسىندا ىسكە قوسىلعان پانەلدىك رادياتورلار شىعاراتىن زاۋىتتى دا قوسۋعا بولادى. كەيىنگى بىرنەشە جىلدا 4-500 كۆ كەرنەۋ دياپازونىنداعى ەلەكترتەحنيكالىق ونىمدەردىڭ تولىق ءونىم جەلىسى يگەرىلدى. وندىرىلەتىن ءونىم نومەنكلاتۋراسىندا ءارتۇرلى موديفيكاتسياداعى ەنەرگيا ۇنەمدەيتىن ترانسفورماتورلىق جابدىق, ەكولوگيالىق تازا قۇرعاق ترانسفورماتورلار بار, – دەپ ناقتىلادى «Alageum Electric» كومپانيالار توبىنىڭ ديرەكتورلار كەڭەسىنىڭ توراعاسى نۇرماحان ءابدىراحمانوۆ.
كومپانيادا كايدزەن جۇيەسى ەنگىزىلگەن
ۇزدىكسىز يننوۆاتسيالىق دامۋدىڭ ناتيجەسىندە «Alageum Electric» ترانسفورماتورلارى جوعارى ساپالى, سەنىمدى جابدىق رەتىندە بەدەلگە يە بولدى. ەل تاريحىندا تۇڭعىش رەت ەكسپو-2017 كورمەسى ءۇشىن كەنتاۋ ترانسفورماتور زاۋىتى ارنايى قۋاتى 80 مىڭ كۆا جانە سالماعى 93 توننا بولاتىن 110 كۆ ترانسفورماتورلار جاسادى. بۇل جابدىق ونداعان مىڭ تۇتىنۋشىعا سەنىمدى ەلەكتر قۋاتىن ۇسىنىپ, ۇزدىكسىز قىزمەت ەتە الادى. بۇل رەتتە ترانسفورماتوردىڭ اتالعان مودەلى بيزنەس-كلاستاعى ءبىر اۆتوموبيلدەن قىمبات ەمەس, بىراق ستراتەگيالىق تۇرعىدان ماڭىزى جوعارى.
– كومپانيا تابىسىنىڭ نەگىزگى فاكتورى – ونىڭ قىزمەتكەرلەرى, كەز كەلگەن مىندەتتى شەشۋگە قابىلەتتى ماماندار توبى. كاسىپورىنداردا عىلىمدى قاجەتسىنەتىن ءوندىرىستىڭ دامۋىن, ۇتىمدىلىقتى جانە يننوۆاتسيالارعا دەگەن ۇمتىلىستى ەسكەرە وتىرىپ, ءوزىن-ءوزى دامىتۋ ارقىلى قوعامعا پايدا اكەلۋگە نەگىزدەلگەن كورپوراتيۆتىك قۇندىلىقتار ەنگىزىلگەن. سونىڭ ءبىرى – جاپوندىق كايدزەن جۇيەسى. ونىڭ ماقساتى – وندىرىستىك پروتسەستەردى ۇنەمى جاقسارتۋ, باسقارۋدى وڭتايلاندىرۋ, قىزمەتكەرلەر ءومىرىنىڭ بارلىق اسپەكتىسىمەن جۇمىس ىستەۋ. حولدينگ قۇرىلعاننان بەرى قىزمەتكەرلەر سانى 4 500-گە دەيىن ءوستى, – دەيدى سايدوللا قوجاباەۆ.
كومپانيالار توبى تابيعي رەسۋرستارعا ۇقىپتى قاراۋ قاعيداتتارىنا ادالدىق تانىتىپ, وندىرىسكە ەنەرگيا ۇنەمدەيتىن تەحنولوگيالاردى ەنگىزۋدە. Asia Trafo كاسىپورنىنىڭ كەڭسەسى 2020 جىلى ونەركاسىپتىك كاسىپورىندار اراسىنداعى «جاسىل كەڭسە-2020» بايقاۋىندا جەڭىمپاز دەپ تانىلدى. وندىرىلگەن ترانسفورماتورلاردىڭ جۇمىس كەزىندە شۋ دەڭگەيى تومەن, سونىمەن قاتار قورشاعان ورتاعا اسەر ەتۋ ىقتيمالدىعى از. زاۋىت قۇرىلىسىندا جىلۋ ايناسى قاعيداتى بويىنشا جۇمىس ىستەيتىن مۋلتيفۋنكتسيونالدى تەرەزە بار. ول كاسىپورىننىڭ وڭتايلى ميكروكليماتىن ءتيىمدى قولداۋ ءۇشىن يننوۆاتسيالىق جانە تەحنيكالىق تۇرعىدان دالەلدەنگەن شەشىم. تەرەزە جىلۋ ساۋلەلەرىن ەكى جاققا دا ءساتتى شاعىلىستىرادى, بۇل قىس مەزگىلىندە جىلۋدى ساقتاۋعا جانە جازدىڭ اپتاپ ىستىعىندا شامادان تىس قىزۋدىڭ الدىن الۋعا مۇمكىندىك بەرەدى. بۇل 90 پايىزعا دەيىن جىلۋدى قالپىنا كەلتىرۋ فۋنكتسياسىمەن بىرگە كەڭسە بولمەلەرىن جىلىتۋ نەمەسە سالقىنداتۋ كەزىندە رەسۋرستاردى ايتارلىقتاي ۇنەمدەيدى. سونداي-اق زاۋىتتا اۆتوماتتى جارىقتاندىرۋ جۇيەسى, وزدىگىنەن سۋارۋ جانە جاسىل جەلەكتەردى تامشىلاتىپ سۋارۋ, قوقىستاردى بولەك جيناۋعا ارنالعان كونتەينەرلەر ورناتىلعان. 2017 جىلدان باستاپ قازىرگى ۋاقىتقا دەيىن 1 مىڭنان استام اعاش وتىرعىزىلدى.
كومپانيا ايماقتارداعى ءوزىنىڭ الەۋمەتتىك جاۋاپكەرشىلىگىن سەزىنە وتىرىپ, جىل سايىن قايىرىمدىلىققا قاراجات بولەدى. كەيىنگى 10 جىلدا دەمەۋشىلىك پەن قايىرىمدىلىققا 2 ملرد تەڭگەدەن استام قاراجات جۇمسالعان. سوڭعى 5 جىلدا كومپانيا قازاقستاندا مادەنيەتتى دامىتۋعا ايتارلىقتاي قولداۋ كورسەتتى. ماسەلەن, استاناداعى وپەرا جانە بالەت تەاترى مەن ۇلتتىق حورەوگرافيا اكادەمياسىنا قولداۋ كورسەتىلدى. سونىمەن قاتار «Alageum Electric» ينفراقۇرىلىمدىق جوبالاردى ىسكە اسىرۋعا ينۆەستيتسيا قۇيۋدا. وسىلايشا, 2017 جىلى قوستانايداعى كوپىرلەردىڭ ءبىرىنىڭ اۋماعىندا جارىقتاندىرۋ قايتا جاڭارتىلدى, ال شىمكەنتتە «تاسساي» يندۋستريالىق ايماعىنا كىرەتىن اركا سالىندى. سونىمەن قاتار كومپانيا ءتۇرلى ۇكىمەتتىك ەمەس ۇيىمدارعا, سونىڭ ىشىندە بالالاردىڭ قۇقىقتارىن قورعاۋمەن اينالىساتىن «اسىل بالا» قاۋىمداستىعىنا دەمەۋشىلىك كومەك كورسەتەدى. «Alageum Electric» قولداۋىمەن 2017 جىلى مۇمكىندىگى شەكتەۋلى ستۋدەنتتەرگە ارنالعان كاسىبي وليمپيادا وتكىزىلدى. حولدينگ جىل سايىن از قامتىلعان وتباسىلاردان شىققان بالالار مەن ارداگەرلەرگە اتاۋلى كومەك كورسەتەدى. 2018 جىلى Alageum Electric Vلاست ينتەرنەت-جۋرنالى تۇزگەن قازاقستاننىڭ ونەركاسىپتىك كومپانيالارى اراسىندا قايىرىمدىلىق رەيتينگتە 26-ورىنعا يە بولدى.
بىلىكتى كادرلاردى دايارلاۋ ءۇشىن قۇرىلعان «كەنتاۋ ترانسفورماتور زاۋىتى» اق جانىنداعى كەنتاۋ پوليتەحنيكالىق كوللەدجى بازالىق كاسىپورىنمەن ىنتىماقتاستىق ورناتۋدىڭ وزىق ۇلگىسى بولا الادى. مۇندا حولدينگتىڭ قاجەتتىلىكتەرى ءۇشىن كادرلار دايارلانادى. شاكىرتاقى تولەۋدەن باستاپ كەپىلدى جۇمىسقا ورنالاسۋعا دەيىنگى شارۋالار ويداعىداي رەتتەلگەن.
حولدينگ 25 جىلدىعىن ەلەكترتەحنيكالىق جابدىقتاردى ازىرلەۋ جانە ءوندىرۋ سالاسىنداعى تولايىم تابىستارىمەن قارسى الدى. كليەنتتەردىڭ زاماناۋي تەندەنتسيالارى مەن تالاپتارىنا سۇيەنە وتىرىپ, قويمالارمەن جانە مامانداندىرىلعان وندىرىستىك بازالارمەن جابدىقتالعان, وڭىرلىك جەلىلەرى بار كومپانيا حولدينگتىڭ بارلىق ءونىمىن ء«بىر تەرەزە» ارقىلى ساتادى ءارى قىزمەتتەردىڭ تولىق كەشەنىن ۇسىنادى. «Alageum Electric» كومپانياسىنىڭ ونىمدەرى وتاندىق جانە حالىقارالىق ساپا ستاندارتتارىنا سايكەس كەلەدى, سونداي-اق تمد جانە تاياۋ شىعىس ەلدەرىنە ەكسپورتتالادى.
«Alageum Electric» بۇگىنگى جەتكەن بيىكپەن شەكتەلىپ قالماي, جاڭا وندىرىستىك كاسىپورىنداردى سالۋ جانە ىسكە قوسۋ, جوعارى قۋاتتى ەلەكترتەحنيكالىق جابدىقتار ءوندىرىسىن كەڭەيتۋ بويىنشا جاڭا ماقساتتاردى كوزدەپ وتىر. تەحنولوگيالىق الەۋەتكە, رەتتەلگەن وندىرىسكە, ابىروي-بەدەلگە يە كومپانيانىڭ جەرگىلىكتى ءارى ەكسپورتتىق نارىقتارداعى الەۋەتى جوعارى ەكەنىنە ەشكىم كۇمان كەلتىرە الماسى انىق.
