يسپانيا ۇكىمەتى اۆتوبۋستا تەگىن ءجۇرۋ مەحانيزمى ەنگىزىلەتىنىن مالىمدەدى. 2023 جىلدىڭ 1 قاڭتارىنان باستاپ ارنايى جول ءجۇرۋ كارتاسى بار جولاۋشىلار قوعامدىق كولىكپەن ۇزاق قاشىقتىققا تەگىن جەتە الادى.
باعدارلاما اياسىندا ەلدەگى 79 اۆتوبۋس باعىتى تەگىن بولادى. تەگىن بولاتىن ەڭ تانىمال باعىتتاردىڭ قاتارىندا مادريد - سەگوۆيا, مادريد - گۆادالاحارا, تەرۋەل - بارسەلونا جانە سانتاندەر - بيلباو - بارسەلونا قالالارى بار. قالاارالىق اۆتوبۋس باعىتتارىنىڭ جەلىسى يسپانيانىڭ 2400 قالاسىن قامتيدى, ال ساپارلاردىڭ ورتاشا ۇزاقتىعى شامامەن 900 شاقىرىمدى قۇرايدى.
وسىنداي شارا ارقىلى بيلىك تۇرعىنداردى ءوز كولىكتەرىنەن باستارتۋعا ۇندەپ وتىر. اتالعان جوبا جۇرتشىلىقتى قوعامدىق كولىكپەن جۇرۋگە شاقىرۋ ماقساتىندا ازىرلەنگەن.
ايتا كەتەيىك, يسپانيادا بيىلعى جازدان باستاپ پويىزداردا تەگىن ءجۇرۋ جوسپارلانعان بولاتىن. سوندىقتان ۇلتتىق تەمىرجول وپەراتورى Renfe باسقاراتىن 300 شاقىرىمعا دەيىنگى جولداردى قامتيتىن بارلىق قالا ماڭىنداعى ايماقتىق جەلىلەر جىل اياقتالعانشا تەگىن بولادى.
