تاعايىنداۋ • 02 جەلتوقسان، 2022

ماڭعىستاۋ وبلىسىنىڭ اكىمى تاعايىندالدى

114 رەت كورسەتىلدى

بۇل تۋرالى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ حابارلايدى.

«مەملەكەت باسشىسىنىڭ جارلىعىمەن نۇرلان اسقار ۇلى نوعاەۆ ماڭعىستاۋ وبلىسىنىڭ اكىمى لاۋازىمىنا تاعايىندالدى»، دەپ جازىلعان حابارلامادا.

نۇرلان اسقار ۇلى نوعاەۆ 1967 جىلى تۋعان. ءبىلىمى جوعارى، ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.

ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.

1993-1995 جىلدارى ماسكەۋ قالاسىنداعى «گيلي-پاسكەر» جشس-دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور;

1995-1996 جىلدارى الماتى قالاسىنداعى «وترار لتد» شاعىن كاسىپورنى باس ديرەكتورىنىڭ ورىنباسارى;

1996-2006 جىلدارى «قازاقتۇرىكمۇناي» جشس-دا ينجەنەر، باس ديرەكتورى;

2006 جىلدىڭ اقپان ايىنان تامىز ايىنا دەيىن «قازمۇنايگاز ۇلتتىق كومپانياسى» اق-نىڭ اتقارۋشى ديرەكتورى;

2006 جىلى ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن;

2007 جىلدىڭ قىركۇيەگىنەن 2010 جىلدىڭ ءساۋىر ايىنا دەيىن باتىس قازاقستان وبلىسى اكىمىنىڭ ورىنباسارى.

2010 جىلدىڭ ءساۋىر ايىنان 2012 جىلدىڭ قاڭتارىنا دەيىن وبلىس اكىمىنىڭ ءبىرىنشى ورىنباسارى.

2012 جىلدىڭ 20 قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ اكىمى بولىپ تاعايىندالدى.

2016 جىلدىڭ 26 ناۋرىزىنان اتىراۋ وبلىسىنىڭ اكىمى.

2019 جىلدىڭ 18 جەلتوقسانىنان 2021 جىلعا دەيىن ەنەرگەتيكا ءمينيسترى;

2021 جىلدىڭ قىركۇيەگىنەن بەرى ماڭعىستاۋ وبلىسىنىڭ اكىمى بولىپ ەڭبەك ەتكەن. بۇگىن ول وسى لاۋازىمعا قايتا تاعايىندالدى.

 

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار