سونداي-اق سپورتشى جۋرناليستەرمەن ءباسپاسوز ءماسليحاتىن وتكىزىپ, جاڭا ماۋسىمداعى وي-جوسپارىن ورتاعا سالدى. جيىندا ەلەنا جەلتوقسان ايىنىڭ ورتاسىندا ءابۋ-دابيدە وتەتىن كورمە-جارىسقا قاتىساتىنىن, سوسىن دۋبايدا جاڭا ماۋسىمعا دايىندالاتىنىن جەتكىزدى. قازاقستاننىڭ ءبىرىنشى راكەتكاسىنىڭ جاڭا جىلداعى العاشقى جارىسى اۋستراليانىڭ اشىق چەمپيوناتى بولماق.
ءباسپاسوز ءماسليحاتىنان كەيىن تەننيس ورتالىعىنىڭ تاربيەلەنۋشىلەرى اتاقتى سپورتشىمەن كورتقا شىقتى. ەلەنا بالالارمەن بىرگە جاتتىعىپ, شەبەرلىكتەرىن ارتتىرۋ باعىتىندا اقىل-كەڭەسىن ايتىپ, سۇراقتارىنا جاۋاپ بەردى.
