وتىرىس بارىسىندا ۇزدىكسىز جىلۋ بەرۋدى قامتاماسىز ەتۋ جونىندەگى جەدەل جانە جۇيەلى شارالار قاراستىرىلدى.
جيىن قورىتىندىسى بويىنشا بىرنەشە تاپسىرما بەرىلدى.
اتاپ ايتقاندا, ءۇش كۇن ىشىندە بارلىق ەنەرگيا نىسانى كەشەندى, سونىڭ ىشىندە تەحنيكالىق جاعدايىنا قاراي قاۋىپتىلىك تۇرعىدان توپتارعا بولىنۋگە ءتيىس. نەعۇرلىم وسال جىلۋ ەلەكتر ورتالىقتارى مەن جىلۋ جەلىلەرى بويىنشا مەنشىك يەلەرى, اكىمدىكتەر مەن مينيسترلىكتەر اراسىندا ءبىرىنشى كەزەكتە اتقارىلاتىن ءىس-ارەكەت جوسپارى دايىندالادى. وڭىرلەردە جىلۋمەن جانە ەلەكتر قۋاتىمەن قامتاماسىز ەتەتىن نىسانداردىڭ ءىس جۇزىندە دايىندىعىن تەكسەرۋ ءۇشىن جەدەل توپتار قۇرىلۋى قاجەت.
سونىمەن قاتار قارجى مينيسترلىگى مەن قارجىلىق مونيتورينگ اگەنتتىگىنە ءاربىر زاڭدى تۇلعانىڭ تاريفتىك سمەتاسى مەن ينۆەستيتسيالىق باعدارلاماسىنا تالداۋ جۇرگىزىپ, كاپيتالدى سىرتقا شىعارۋ ىقتيمالدىعىن تەكسەرۋ تاپسىرىلدى. بۇعان قوسا ۋاكىلەتتى مەملەكەتتىك ورگانداردىڭ باقىلاۋ-قاداعالاۋ فۋنكتسيالارىن كۇشەيتىپ, جىلۋمەن جانە ەلەكترمەن قامتاماسىز ەتەتىن نىسانداردىڭ مەنشىك يەلەرىنىڭ جاۋاپكەرشىلىگىن ارتتىرۋ ءۇشىن سالالىق زاڭدار مەن زاڭعا تاۋەلدى اكتىلەرگە ەنگىزىلەتىن وزگەرىستەر ازىرلەنۋى كەرەك.
