سونداي-اق, ەسىل اۋدانىندا ءورت ءسوندىرۋشى سايات ابەەۆ پەن گراناتانى كەۋدەسىمەن جاۋىپ, تەرروريستى زالالسىزداندىرعان پوليتسيا كاپيتانى عازيز بايتاسوۆتىڭ ەسىمىمەن اتالعان كوشەلەر بار.
سونداي-اق, اسقار زابيكۋليننىڭ ەسىمىن باتىر قىزمەت ەتكەن №6 مامانداندىرىلعان ءورت ءسوندىرۋ بولىمىنە بەرۋ, مەكەمە الدىنا بيۋست ورناتۋ ۇسىنىلدى. سونىمەن قاتار, اسقار زابيكۋليننىڭ ەستەلىك سۋرەتىن استانا قالاسىنىڭ ا.پۋشكين كوشەسىندە ورنالاسقان «قۇتقارۋشىلار ساياباعىنداعى» اقپاراتتىق تاقتاعا ورنالاستىرۋ تۋرالى شەشىم قابىلداندى. بۇل ساياباقتا بۇرىن قايتىس بولعان قۇتقارۋشىلاردى ەسكە الۋعا ارنالعان اقپارات ورنالاستىرىلعان.
قالانىڭ ونوماستيكالىق كوميسسياسىنىڭ وتىرىسىندا قارالعان ۇسىنىستار قاراۋ ءۇشىن استانا ءماسليحاتىنىڭ تۇراقتى كوميسسيالارىنىڭ جاريا تىڭداۋلارىنا, استانا قوعامدىق كەڭەسىنىڭ قاراۋىنا جىبەرىلەدى.
بۇعان دەيىن مەملەكەت باسشىسىنىڭ تاپسىرماسى بويىنشا قۇتقارۋشى اسقار زابيكۋليننىڭ وتباسىنا ءۇش بولمەلى پاتەردىڭ كىلتى تابىستالعان بولاتىن. پاتەر اسقاردىڭ جۇبايىنا جەكە مەنشىككە بەرىلدى. (قازىرگى ۋاقىتتا پاتەردە ارلەۋ جانە ودان ءارى جيھازبەن تولىقتىرۋ جۇمىستارى جۇرگىزىلۋدە).
قۇتقارۋشى ايان كەمپىروۆتىڭ وتباسىنا يپوتەكانى وتەۋگە كومەك كورسەتىلدى. ونىڭ سوماسى 24 ميلليون تەڭگەنى قۇرايدى. سونىمەن قاتار, اسقار زابيكۋلين مەن ايان كەمپىروۆتىڭ وتباسىلارىنا 6 ميلليون تەڭگەگە نەسيە وتەلدى.
