اقمولا وبلىسى پوليتسيا دەپارتامەنتىنىڭ كوشى-قون قىزمەتى باسقارماسى مۇددەلى مەملەكەتتىك ورگاندارمەن بىرلەسىپ, قوس ازاماتتىق بويىنشا فاكتىلەردى انىقتاۋ جانە الدىن الۋ جۇمىستارىن جۇرگىزۋدە.
«قازاقستان رەسپۋبليكاسىنىڭ ازاماتتىعى تۋرالى» زاڭىنىڭ 21-بابىنا سايكەس, قر ازاماتى بولا تۇرىپ, شەت مەملەكەتتىڭ ازاماتتىعىن العان ادام 30 كۇن ىشىندە قازاقستان رەسپۋبليكاسىنىڭ ىشكى ىستەر ورگاندارىنا نەمەسە قر شەتەلدەگى مەكەمەلەرىنە حابارلاۋعا مىندەتتى. سونىمەن قاتار, وعان قازاقستان رەسپۋبليكاسىنىڭ تولقۇجاتىن جانە (نەمەسە) جەكە كۋالىگىن تاپسىرۋى قاجەت بولادى.
بيىلعى جىلدىڭ باسىنان بەرى اقمولا وبلىسى بويىنشا كوشى-قون قىزمەتى قوس ازاماتتىعى بار 3 مىڭعا جۋىق ازاماتتى انىقتادى.
