پرەزيدەنتكە ەلىمىزدە قاتەرلى ىسىككە قارسى يننوۆاتسيالىق ءدارى ءوندىرىسىن اشۋ جوباسىنىڭ جۇزەگە اسىرىلۋ بارىسى تۋرالى اقپارات بەرىلدى. ءتيىستى كەلىسىمگە بۇگىن قازاقستاننىڭ دەنساۋلىق ساقتاۋ مينيسترلىگى مەن «Roche Holding AG» كومپانياسى اراسىندا قول قويىلدى.
كريستوف فرانتس پرەزيدەنتكە قاتەرلى ىسىكتى انىقتاۋدىڭ يننوۆاتسيالىق تاسىلدەرىن يگەرۋگە قاتىستى قازاق ونكولوگيا جانە راديولوگيا عىلىمي-زەرتتەۋ ينستيتۋتىمەن بىرلەسە جۇرگىزىپ جاتقان جۇمىستارى تۋرالى ايتتى.
سونىمەن قاتار كەلەسى جىلى كومپانيانىڭ قولداۋىمەن نازارباەۆ ۋنيۆەرسيتەتى مەديتسينا مەكتەبىنىڭ بازاسىندا جەرگىلىكتى مامانداردىڭ بىلىكتىلىگىن ارتتىرۋعا ارنالعان زەرتحانالىق دياگنوستيكالىق ترەنينگ-ورتالىعىن اشۋ جوسپارلانىپ وتىر.
سونداي-اق كەزدەسۋدە قازاقستاندا مەديتسينا عىلىمىن دامىتۋ ماسەلەسى دە تالقىلاندى.
