شاعىن بيزنەستىڭ شاراپاتى

جالپى, سايلاۋدان كەيىن وسى ۋاقىت­­قا دەيىن ايتىلعان رەفورمالار دا ءىس جۇزىندە جۇزەگە اساتىنىنا سەنىم مول. بىزگە ەكونوميكانى ديف­فەرەن­تسيالاۋ وتە ماڭىزدى. سونىڭ ىشىن­دە ەكونوميكانىڭ ۇلكەن ۇلەسىن قۇراي­تىن مۇناي, تاۋ-كەن مەتاللۋرگياسى سالالا­رىنا ەرەكشە ءمان بەرىلۋى كەرەك. ەنەر­گەتيكا, جول-كولىك جانە اۋىل شا­رۋاشىلىعى سالالارى دا وتە ماڭىزدى. ءدال قازىر اتالعان سالالاردى دامىتۋ, ارنايى جوبالاردى ىسكە اسىرۋ ءۇشىن كوپتەگەن مۇمكىندىك بار. ال شاعىن جانە ورتا بيزنەسكە كوڭىل ءبولىنۋ كەرەگى ايتپاسا دا تۇسىنىكتى. سول ارقىلى جۇ­مىس ورىندارى اشىلىپ, ەڭبەكپەن قامتۋ ماسەلەلەرى وڭتايلانادى. شاعىن جانە ورتا بيزنەسكە جاعداي جاسالۋى ءۇشىن سالىق كودەكسى مەن جەرگىلىكتى باس­قا­رۋ ورگاندارىنىڭ جۇيەلى جۇمىس ىستەۋى ماڭىزدى.

وسىعان دەيىنگى تاجىريبەمىزدەن جەر­گىلىكتى باسقارۋ ورگاندارىمەن بىرلە­سىپ جۇمىس ىستەۋ شاعىن جانە ورتا بيزنەس ءۇشىن وتە ءتيىمدى ەكەنىن كورىپ وتىرمىز. ءار وڭىردەگى بيزنەس سالالارى بويىنشا ماسەلەلەر اشىق ايتىلۋى كەرەك. شاعىن جانە ورتا بيزنەستىڭ العا جىلجۋى ءۇشىن كەدەرگى تۋعىزاتىن ماسەلەلەر جەڭىلدەتىلسە, ءبىرشاما دامۋ بولاتىنى ءسوزسىز. ماسەلەن, سۋبسيديا كوبىنە ءىرى شارۋاشىلىقتارعا بەرىلەدى. بۇل ماسەلەنى شەشۋ ءۇشىن جۇمىس ىستەۋ جۇيەسى عانا ەمەس, ءاربىر اۋداندارداعى جەرگىلىكتى شارۋاشىلىقتى دامىتۋ باعدارلاماسى دۇرىس جۇزەگە اسۋى كەرەك. پرەزيدەنت تە ءوز سوزىندە وسىعان باسا ءمان بەرىپ وتىر. ەندىگى وزگەرىستەر مەن بەرىلگەن تاپسىرمالار ءىس جۇزىندە ورىندالادى دەپ سەنەمىز.

بيزنەس جوبالاردى ىسكە اسىرۋ ءۇشىن كاسىپكەرلەردىڭ ىنتاسى مەن بەل­سەندىلىگى ەرەكشە. ءبىز ناقتى ناتي­جەگە قول جەتكىزۋ ءۇشىن بيزنەس جوبالاردى ىسكە اسىرۋعا دايىنبىز.

رايىمبەك باتالوۆ,

«اتامەكەن» ۇلتتىق كاسىپكەرلەر پالاتاسىنىڭ پرەزيديۋم توراعاسى