ءبىلىم مەن بىلىگى ۇشتاسقان, وزىق تەحنولوگيانى ەركىن مەڭگەرگەن جاستار – ەل ەرتەڭى. الماتى قالاسى جاستار ساياساتى باسقارماسىنىڭ «الماتى جاستارى» جوباسى اياسىندا «Social project mاnاgement ورتالىعى» قوعامدىق قورى وسى باعىتتى نىساناعا الا وتىرىپ, ارنايى سەمينار-ترەنينگ وتكىزدى.
جاستاردىڭ جاھاندانۋ ۇردىسىنە ىلەسە الماۋى, ۋاقىتىن بوس دۇنيەلەرگە جۇمساۋى, ەڭبەك- اقىنىڭ از بولۋى, اتا-انامەن اراداعى سىيلاستىقتىڭ ازايۋى ق ۇلىقسىز جاستاردىڭ قاتارىن مولايتقان. الماتى اكىمدىگىنىڭ حالىقتى جۇمىسپەن قامتۋ ورتالىعىنىڭ مالىمەتىنە سۇيەنسەك, 2022 جىلدىڭ ەكىنشى توقسانىندا قالادا تۇراقتى جۇمىسى جوق جاستاردىڭ ۇلەسى 5,8 پايىزدى قۇراعان. ولاردىڭ ءبارى جۇمىس جوقتىقتان سەندەلىپ ءجۇر دەۋگە اۋىز بارمايدى.
«جاستار – قوعامنىڭ قوزعاۋشى كۇشى. بولاشاق ءبىلىمدى, باسەكەگە قابىلەتتى ۇرپاقتىڭ قولىندا. ماعجان سەنگەن, ەل سەنگەن جاستار قانداي بولۋ كەرەك؟ وسى ماسەلەنى شەشۋ ءۇشىن مەكتەپتەر مەن جوعارى وقۋ ورىندارىندا, كوللەدجەر مەن اسكەري وقۋ ورىندارىندا پسيحولوگ مامانداردىڭ قاتىسۋىمەن سەمينار-ترەنينگتەر وتكىزدىك. سەميناردا جاسوسپىرىمدەردى دۇرىس ماماندىق تاڭداۋعا باعىتتاپ, كەيىن سول سالا بويىنشا بىلىكتى مامان رەتىندە قىزمەت ەتۋگە شاقىردىق», دەيدى «Social project mاnاgement» ورتالىعىنىڭ ديرەكتورى بەيبىت مولداحمەت ۇلى.
ماماندىق تاڭداۋ – ادام ومىرىندەگى ەڭ ماڭىزدى شەشىمدەردىڭ ءبىرى. سول شەشىمدى دۇرىس تاڭداۋلارىنا جول كورسەتۋ ماقساتىندا وتكەن كەزدەسۋگە جاستار بەلسەندى قاتىسىپ, كوكەيلەرىندە جۇرگەن سۇراقتارىنا جاۋاپ الدى. ەلىمىزدىڭ ەڭبەك نارىعىن دامىتۋ جاستارعا كوڭىل بولۋدەن باستالادى. كەزدەسۋدە ماماندىق تاڭداۋدىڭ ماڭىزدى تەتىكتەرى سارالانىپ, كاسىبي ماماندار باعىت-باعدار بەردى. سەمينارعا قاتىسقان ستۋدەنتتەر بولاشاقتا وزدەرى تاڭداعان سالا بويىنشا جەمىستى ەڭبەك ەتەتىندەرىن تىلگە تيەك ەتتى.
«جوبانىڭ باستى ماقساتى – جاستاردىڭ جاhاندانۋ ۇردىسىنە ىلەسىپ, ۋاقىتىن پايدالى ىستەرگە ارناۋعا داعدىلاندىرۋ», دەيدى سەميناردى ۇيىمداستىرۋشىلار. ەل ەرتەڭىن ەڭبەككە بەيىمدەۋگە باعىتتالعان ءىس-شارادا جاستاردى مەملەكەتتىك باعدارلامالارعا تارتۋ, كاسىبي قابىلەتتەرىن ارتتىرۋ, بيزنەس باستاۋعا باۋلۋ, ۇكىمەت تاراپىنان بەرىلەتىن گرانتتار تۋرالى اۋقىمدى اقپارات ۇسىنۋ ماسەلەلەرى قامتىلدى.
الماتى
