ەيس جاساۋدا ەپتىلىك تانىتقانداردىڭ كوشىن بيىلعى WTA قورىتىندى ءتۋرنيرىنىڭ چەمپيونى, الەمدىك رەيتينگتە ءتورتىنشى ورىنعا جايعاسقان فرانتسيالىق كارولين گارسيا باستاپ تۇر. ول ءبىر جىل ىشىندە 63 ماتچقا قاتىسىپ, 394 ەيس جاساعان. ەكىنشى ساتىعا ەلەنا جايعاسسا, رەسەيلىك ۆەرونيكا كۋدەرمەتوۆا (59 ماتچ, 265 ەيس) ۇزدىك ۇشتىككە ىلىكتى. تەننيس جانكۇيەرلەرىنىڭ ەسىندە بولسا, رىباكينا 2020 جىلى 193 ەيسپەن ايەلدەر تەننيسى قاۋىمداستىعىندا (WTA) وزىق شىققان ەدى.
ەرلەر اراسىنداعى اتر جارىستارىنىڭ قورىتىندىسى بويىنشا, قازاقستاننىڭ ءبىرىنشى راكەتكاسى الەكساندر بۋبليك ەيس جاساۋدان 6-ورىنعا تابان تىرەدى. ول 55 باسەكەدە 715 ەيسكە قول جەتكىزدى. وتكەن جىلى قازاقستاندىق تەننيسشى بۇل جونىنەن الدىنا جان سالماعان ەدى (62 ماتچ, 840 ەيس).
