فۋتبول • 30 قاراشا، 2022

ۇزدىكتەر ىرىكتەلە باستادى

61 رەت كورسەتىلدى

سەيسەنبى كۇنى قاتاردا ءوتىپ جاتقان فۋتبولدان الەم چەمپيو­ناتىنىڭ توپتىق كەزەڭىندەگى سوڭعى تۋر ويىندارىنا ستارت بەرىلدى. ا توبىنىڭ شەشۋشى باسەكەسىندە نيدەرلاند – قاتار، ەكۆادور – سەنەگال قۇرامالارى سىنعا تۇسسە، ۆ توبىنداعى 3-تۋردا ۋەلس – انگليا، يران – اقش فۋتبولشىلارى پلەي-وفف باسەكەسىنىڭ ەكى جولداماسىن ساراپقا سالدى.

ادەتتە فۋتبول جانكۇيەرلەرى الەم چەمپيوناتى، ەۋروپا بىرىن­شىلىگى سياقتى ءىرى تۋرنيرلەردىڭ سوڭعى تۋرىندا تەك فورمالدى ماتچ­تاردى عانا تاماشالايتىن. ياعني فاۆوريتتەر بار ماسەلەنى مەرزىمىنەن بۇرىن شەشىپ تاستاپ، كەي توپتاردا قۇرامالار كوبىنە ەكىنشى جولداماعا جانە توپتاعى ءبىرىنشى ورىنعا تالاس جۇرگىزەتىن. ال بيىلعى الەم بىرىنشىلىگىنىڭ سوڭعى تۋرى الدىندا بارلىق قۇ­رامادا دەرلىك پلەي-وفف كەزەڭىنە شىعۋ مۇمكىندىگى ساقتالىپ قالدى. بىراق شەشۋشى ماتچتارداعى ءبىر عانا قاتەلىك، سول قۇرامانى اياقتان شالۋى مۇمكىن ەدى. ماسەلەن، كە­شەگى ەكۆادور مەن سەنەگال، يران مەن اقش اراسىنداعى ماتچتا ەكۆادور جانە يران قۇرامالارى سول قاتەلىكتەرىنىڭ سالدارىنان توپ­­تىق كەزەڭنەن شىعا الماي قال­دى.

ا توبىنىڭ سوڭعى تۋر ماتچتارى قارساڭىندا نيدەرلاندتىڭ وزگە قارسىلاستارىنا قاراعاندا پلەي-وففقا ەش قيىندىقسىز شى­عاتىنى، ال قاتاردىڭ ەكىن­شى تۋر­دان كەيىن-اق توپتىق كەزەڭ­نەن ارىگە اسا المايتىنى بەل­گىلى ەدى. جانكۇيەرلەر تاراپىنان نيدەرلاند – قاتار ماتچىنا كوپ ىقىلاس بولا قويماعانى سوندىقتان. ونىڭ ۇستىنە، ەكى تۋر­دا قارسىلاستارىنا ۇپاي تاراتقان قاتاردىڭ سەنساتسيا جاساپ، نيدەر­لاند قۇراماسىن جەڭە المايتىنى دا تۇسىنىكتى ەدى. ء«ال بايت» ستا­ديونىنداعى ماتچتىڭ ءبىرىنشى تايمىندا كودي گاكپو مەن ەكىنشى تايمىنداعى فرەنكي دە يونگتىڭ گولىنان كەيىن نيدەرلاند فۋتبولشىلارى 2:0 ەسەبىمەن جەڭىسكە جەتتى.

ال بۇل توپتىڭ تارتىستى ماتچى سەنەگال مەن ەكۆادور قۇرا­مالارى اراسىندا ءوتتى. سەبەبى ەكى قۇرامانىڭ دا كەلەسى كەزەڭگە شىعۋعا تولىق مۇمكىندىگى بار. ماسەلەن، سەنەگال فۋتبولشىلارىنا جەڭىسكە جەتكەن جاعدايدا عانا پلەي-وفف جولداماسى بۇيى­راتىن بولسا، ەكۆادورعا تەڭ ناتيجە دە جەتكىلىكتى ەدى. الايدا وڭتۇستىك امەريكا قۇرلىعىنىڭ وكىل­دەرى بۇل مۇمكىندىكتى پايدالا­نا المادى. ءبىرىنشى تايم اياقتا­لار تۇستا تورەشى ەكۆادور قاق­پا­سىنا پەنالتي بەلگىلەدى. ونى سەنەگالدىڭ فۋتبولشىسى يس­مايلا سارر ءساتتى ورىنداپ، قۇرا­ماسىن ەسەپتە العا شىعاردى. ەكىن­شى تايمدا ەكۆادور وكىلى مويسەس كايسەدو تارازى باسىن تەڭەستىرىپ، جانكۇيەرلەرىن ءبىر ساتكە قۋانىشقا بولەگەن ەدى. بىراق ارادا ەكى مينۋت وتكەندە سەنەگال كاپيتانى كاليدۋ كۋليبالي گول سوعىپ، قۇراماسىن 1/8 فينالعا شىعارسا، ەكۆادور فۋتبولشىلارىن جانكۇيەرلەرىمەن قوسا ەلىنە قايتاردى.

ۆ توبىنداعى كۆارتەتتە يران، اقش جانە ۋەلس قۇرامالارىنا قاراعاندا انگليانىڭ كەلەسى كە­زەڭگە ءوتۋ مۇمكىندىگى جوعارى بولا­تىن. اعىلشىندار ۋەلستەن 4:0 ەسەبىمەن جەڭىلگەن جاعدايدا عانا توپتان شىعا المايتىن ەدى. ال ۋەلستى تەك جەڭىس قانا قاناعات­تاندى­راتىن، وندا دا يران مەن اقش قۇرامالارى تەڭ ويناۋعا ءتيىس. الايدا قاتارداعى بري­تا­­نيا دەربيىندە انگليانىڭ، يران – اقش باسەكەسىندە امەري­كا­لىقتاردىڭ مەرەيى ۇستەم بولدى.

العاشقى تۋردا يراندى 6:2 ەسە­بىمەن تىزە بۇكتىرگەن اعىلشىندار ەكىنشى ويىندا اقش قاقپاسىنا بىردە-ءبىر گول سوعا الماي، ابدەن پۇ­شايمان بولعان-دى. سودان بولار، گارەت ساۋتگەيت جەتەكشىلىك ەتەتىن تۇماندى البيون وكىلدەرى كەشەگى ماتچتا ۋەلس قاقپاسىنا جاۋاپسىز ءۇش گول سوقتى. ەكىنشى تايمنىڭ 50-مينۋتىندا ماركۋس راش­فورد ماتچتىڭ ەسەبىن اشسا، ارادا ەكى مينۋت وتكەندە فيل فودەن مەر­گەندىگىمەن كوزگە ءتۇستى. ال 68-مينۋتتا ءدۋبلدىڭ اۆتورى اتانعان راش­فورد ويىننىڭ نۇكتەسىن قويدى.

ال قاتارلاس وتكەن ەكىنشى ماتچ­تا اقش قۇراماسى كريستيان ءپۋ­لي­شيچتىڭ ءبىرىنشى تايمدا سوق­­­قان جالعىز گولىنىڭ ارقا­سىن­دا يراندى جارىس جولىنان ىعىس­تى­رىپ، 1/8 فينالعا جولداما ال­دى. توپتىق كەزەڭنىڭ ەڭ ءبىر قى­زىقتى ماتچىنا بالانعان ويىندا كوپشىلىك ازيالىق قۇرامانىڭ تىلەۋىن تىلەگەنى بەلگىلى. دەگەنمەن پارسى شىعاناعى وكىلدەرى قاتار­دىڭ سوڭىنا ىلەسىپ، الەم چەمپيوناتىمەن ەرتە قوشتاستى. اقش پەن يران فۋتبولشىلارى 1998 جىلى فرانتسيادا ۇيىمداستىرىلعان الەمدىك دوپ دوداسىنىڭ ءبىر توبىندا ونەر كورسەتىپ، سول كەزدە دە ءدال وسىنداي شەشۋشى تۋردا ءبىر-بىرىمەن كەزدەسكەن. ەكى قۇراما ءۇشىن ەش ماڭىزى بولماعان سول ماتچ­تا يران قۇراماسى 2:1 ەسەبىمەن جەڭىس تويىن تويلاعان ەدى. اراعا 24 جىل سالىپ اقش يراننان ەسە قايتارىپ قانا قويماي، ءوز تاريحىندا ءۇشىنشى مارتە 1/8 كەزەڭگە جولداما الدى.

وسىلايشا، ا جانە ۆ توپتا­رىنىڭ ءۇشىنشى تۋر ماتچتارىنان كەيىن 1/8 فينالدا كەزدەسەتىن ال­عاشقى ەكى جۇپ بەلگىلى بولدى. پلەي-وففتا ا توبىنىڭ جەڭىمپازى نيدەرلاند ۆ توبىندا ەكىنشى ورىن العان اقش قۇراماسىمەن (3 جەلتوقسان)، ا توبىنىڭ ەكىنشى ورىن يەگەرى سەنەگال ۆ توبىنىڭ ۇزدىگى انگليامەن (4 جەلتوقسان) كەزدەسەدى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار