بۇگىندە قانداي دا ءبىر ومىرلىك جاعداي تۋىنداعان كەزدە ازاماتتارعا پرواكتيۆتى فورماتتا قىزمەت كورسەتۋ ءۇشىن SMS-حابارلامالار جىبەرىلەدى. مىسالى, بالا تۋعان كەزدە اتا-اناعا بالا تۋىنا بايلانىستى جاردەماقى الۋ مۇمكىندىگى تۋرالى SMS-حابارلاما كەلىپ تۇسەدى, ونى تاعايىنداۋ ءۇشىن وسى حابارلاماعا كەلىسىممەن جاۋاپ بەرۋ جەتكىلىكتى.
ازاماتتاردى پرواكتيۆتى قىزمەتتەرمەن كەڭىنەن قامتۋ ءۇشىن جانە ىڭعايلى بولۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى ەكىنشى دەڭگەيدەگى بانكتەرمەن بىرلەسىپ ەدب قوسىمشالارىنا push-حابارلامالار جىبەرۋ ارقىلى پرواكتيۆتى قىزمەتتەر كورسەتۋ مۇمكىندىگىن ىسكە اسىردى. قاعيدات بىردەي, ياعني بەلگىلى ءبىر ومىرلىك جاعداي تۋىنداعان كەزدە push-حابارلاما جىبەرىلەدى جانە پايدالانۋشىنىڭ وڭ جاۋابى بولعان جاعدايدا وعان ءتيىستى تولەمدەر تاعايىندالادى.
