الايدا وتىنىمدەردىڭ ءبارى بىردەي بىردەن قابىلدانعان جوق. بەرىلگەن 13 مىڭنان استام ءوتىنىمنىڭ 3 463-ءى 524 سۋبەكتىگە تيەسىلى بولعاندىقتان كەرى قايتارىلعان. تاعى 43 كومپانيانىڭ 208 ءوتىنىمى تومەن سكورينگكە بايلانىستى قابىلدانبادى. دەگەنمەن بۇل تۇپكىلىكتى شەشىم ەمەس. كاسىپورىندار كەمشىلىكتەردى تۇزەتىپ, قايتادان ءوتىنىم بەرە الادى.
قازىرگى تاڭدا رەەستردە 762 سۋبەكتىدەن تۇسكەن 3 393 ءوتىنىم تىركەلگەن. تسيفرلىق سەرۆيس شتاتتىق رەجيمدە جۇمىس ىستەپ تۇر. جۇيەگە قوسىلعىسى كەلەتىن كاسىپورىنداردىڭ وتىنىمدەرى قابىلدانىپ جاتىر.
رەەسترگە تىركەلۋ ءتارتىبىن ءتۇسىندىرۋ ءۇشىن ونەركاسىپ جانە قۇرىلىس مينيسترلىگى كەڭەس بەرۋ جۇمىسىن جۇيەلى جۇرگىزىپ كەلەدى. وسى ماقساتتا ەكى كەزەڭنەن تۇراتىن بەينەنۇسقاۋلىق ازىرلەنگەن. ءبىرىنشى بەينەدە جەكە كابينەت ارقىلى ءوتىنىمنىڭ مارتەبەسىن قاداعالاۋ جولى كورسەتىلسە, ەكىنشىسىندە رەەستردەن ءۇزىندى جۇكتەۋ ءتارتىبى تۇسىندىرىلەدى. بۇعان دەيىن قادامدىق نۇسقاۋلىق تا دايىندالىپ, مينيسترلىك پەن QazIndustry سايتتارىنا ورنالاستىرىلعان.
مامانداردىڭ ايتۋىنشا, رەەسترگە كوشۋ وتاندىق ءوندىرىستى ناقتى قولداۋعا باعىتتالعان. جاڭا تسيفرلىق پلاتفورما دەرەكتەردى بىرىزدەندىرۋگە, جالعان وندىرۋشىلەردى انىقتاۋعا, راسىمدەردىڭ اشىقتىعىن كۇشەيتۋگە جانە سىبايلاس جەمقورلىق تاۋەكەلدەرىن ازايتۋعا مۇمكىندىك بەرەدى. ەڭ باستىسى, مەملەكەتتىك قولداۋ شارالارىنا قول جەتكىزۋ تەتىگى ايقىنىراق ءارى ءادىل بولا تۇسەدى.
