سونداي-اق ۇلتتىق قۇرامانىڭ ازيا بىرىنشىلىگىندەگى تابىسىنا ءوز ۇلەسىن قوسقان كوماندانىڭ وزگە مۇشەلەرى, اتاپ ايتقاندا قۇرامانىڭ باپكەرلەر قوسىنى, بوكسشىلاردىڭ جەكە باپكەرلەر مەن عىلىمي كەشەننىڭ قىزمەتكەرلەرى دە نازاردان تىس قالعان جوق. ءىس-شاراعا قبف پرەزيدەنتى كەڭەس راقىشەۆ پەن فەدەراتسيا جەتەكشىلەرى قاتىسىپ, بىلعارى قولعاپ شەبەرلەرىن سارى قۇرلىق باسەكەسىندەگى جەڭىستەرىمەن قۇتتىقتادى.
بوكسشىلاردىڭ قارجىلاي سىياقىلارىن ء(ى ورىن – 5 ملن تەڭگە, ءىى ورىن – 2 ملن, ءىىى ورىن 1 ملن) قازاقستان بوكس فەدەراتسياسىنىڭ باسشىسى كەڭەس راقىشەۆتىڭ ءوزى تاپسىردى.
ازيا قۇرلىعىنىڭ 27 ەلىنەن كەلگەن 267 بىلعارى قولعاپ شەبەرى (181 ەر مەن 86 ايەل) سىنعا تۇسكەن دودادا قازاقستاننىڭ ەرلەر مەن ايەلدەر قۇراماسىنىڭ ناتيجەسىن قوسا ەسەپتەگەندە, جالپىكوماندالىق ەسەپتە 1-ورىندى جەڭىپ الدى. بوكسشىلارىمىز جالپى سانى 21 جۇلدە ولجالادى. ونىڭ ىشىندە التاۋى التىن, جەتەۋى كۇمىس جانە سەگىزى قولا مەدال.
ەرلەر اراسىنداعى باسەكەدە سانجار تاشكەنباي (48 كگ), اسلانبەك شىمبەرگەنوۆ (71 كگ), ايبەك ورالباي (– 92 كگ) ازيا چەمپيونى اتانسا, قىزدار اراسىندا الۋا بالقىبەكوۆا (48 كگ), جاينا شەكەربەكوۆا (54 كگ) مەن كارينا يبراگيموۆا (57 كگ) التىننان القا تىقتى.
ال ساكەن بيبوسىنوۆ (51 كگ), ماحمۇد سابىرحان (54 كگ), سەرىك تەمىرجانوۆ (57 كگ), دۋلات بەكباۋوۆ (67 كگ), نۇرقانات رايىس (75 كگ), قامشىبەك قوڭقاباەۆ (+92 كگ) جانە گۇلسايا ەرجان (81 كگ) فينالدا جەڭىلىپ, كۇمىس جۇلدەگە يە بولعان ەدى.
سارى قۇرلىق باسەكەسىنىڭ جارتىلاي فينالىندا قارسىلاستارىنا جول بەرگەن ءساماتالى تولتاەۆ (60 كگ), نۇربەك ورالباي (80 كگ), ساعىندىق توعامباي (86 كگ), نازىم قىزايباي (50 كگ), جازيرا وراقباەۆا (52 كگ), ءمادينا نۇرشاەۆا (66 كگ), داريعا شاكىموۆا (70 كگ) مەن ءلاززات كۇنگەيباەۆا (+81كگ) ەل قورجىنىنا قولا جۇلدە سالدى.
ايتا كەتەيىك, قازاقستان قۇراماسىنان كەيىنگى جالپىكوماندالىق ەسەپتە وزبەكستان (6 التىن, 3 كۇمىس, 4 قولا) قۇراماسى ەكىنشى ورىنعا يە بولسا, ۇزدىك ۇشتىكتى – ءۇندىستان (4 التىن, 2 كۇمىس, 5 قولا) بوكسشىلارى تۇيىندەدى. بارلىعى يوردانيا تورىندە 12 ەلدىڭ ءانۇرانى شىرقالدى.
