حالقىمىزدىڭ ارعى-بەرگى تاريحىندا ەل-جۇرتتىڭ بىرلىك تۋىنىڭ استىنا اق نيەتپەن جينالىپ, ەل تىزگىنىن ۇستاعان تۇلعانىڭ قۇرمەتىنە ۇلىقتاۋ ءراسىمىن وتكىزۋدىڭ ءمانى دە, ماڭىزى دا جوعارى بولعانىن بىلەمىز. ال وسىناۋ جاھاندانۋ زامانىندا ەگەمەن ەلدىڭ ەڭسەسى تىك, قادامى نىق ەكەنىن كورسەتىپ, دەربەستىگىن پاش ەتىپ, الەم كوز تىككەن باس قالادا سالتاناتتى تۇردە ۇلىقتاۋ ءراسىمىنىڭ جوعارى دەڭگەيدە وتكىزىلۋى – حالقىمىزدىڭ سان عاسىردان بەرى قالىپتاسقان سالتقا بەرىك بولىپ, بەكەم بىرلىك پەن كوركەم تىرلىكتى ۇشتاستىرۋى دەۋگە بولادى.
سايلاۋدا قاسىم-جومارت توقاەۆتىڭ ەل جۇرتشىلىعىنىڭ ۇلكەن قولداۋىنا يە بولىپ, ايقىن باسىمدىقپەن ەل پرەزيدەنتى بولىپ سايلانۋى – ەگەمەندىكتى باياندى ەتۋ جولىنداعى ەڭ بيىك بەلەستىڭ ءبىرى بولدى. بۇل – سانالى تاڭداۋ. سەبەبى پرەزيدەنت جۇرگىزىپ وتىرعان ساياسات ناتيجەلى جانە جەمىستى بولىپ وتىرعانى بەلگىلى. سول سەنىم جۇگى ەلدى ابىرويدىڭ بيىگىنە شىعارىپ, ءوسۋ مەن وركەندەۋگە, جاڭارۋ مەن جاڭعىرۋعا نەگىز بولادى دەپ سەنەمىز.
حالقىمىزدىڭ زور سەنىمىنە يە بولعان ق.توقاەۆتى ۇلىقتاۋ راسىمىندە ءبارىمىز ورنىمىزدان تىك تۇرىپ قارسى الدىق. سول كەزدەگى سالتانات پەن ءىلتيپاتتى كۇللى حالقىمىزدىڭ اتىنان كورسەتىلگەن قۇرمەتتەي سەزىندىم. بۇل قوعامىمىزدىڭ ءار مۇشەسىن شىن تولقىتقان, ۇلتتىڭ ابىرويىن اسقاقتاتقان ءسات بولدى. مەملەكەت جاۋاپكەرشىلىگىن موينىنا العان, سوڭعى جىلداردا كەمەڭگەرلىكتىڭ ۇلگىسىن كورسەتە بىلگەن تۇلعانىڭ حالىق الدىندا انت بەرۋى جۇرەك تولقىتتى. قازاقستاننىڭ كوسەگەسىنىڭ ودان ءارى كوركەيە بەرەتىنىنە, تاريحتىڭ جاۋاپتى كەزەڭىندە جاڭا جەڭىستەرگە جەتەتىنىمىزگە سەنىمىمىز ۇلعايدى. قوعامداعى تىنىشتىققا, ۇلتتار مەن ۇلىستاردىڭ ۇيىسقان ىنتىماعىنا جەتەتىن نە بار!
مەملەكەت باسشىسى جاۋاپتى ساتتە سويلەگەن سوزىندە ەل ەكونوميكاسىن ودان ءارى نىعايتۋدىڭ, قوعامدى بىرىكتىرۋدىڭ ءتۇيىندى ماسەلەلەرىن قوزعادى. «قازىر ءبىز وسى قيىن-قىستاۋ جولدىڭ باسىندا تۇرمىز. الدىمىزدا اتقاراتىن جۇمىس كوپ. ءƏربىر ازامات ەلدىڭ بولاشاعى ءۇشىن ءوز جاۋاپكەرشىلىگىن سەزىنۋگە ءتيىس. مەملەكەتتىك ساياساتىمىزدىڭ نەگىزگى باعىتى – ءبىلىم بەرۋ ىسىنەن باستاپ يندۋستريالاندىرۋعا دەيىن قوعامنىڭ بارلىق سالاسىن جاڭعىرتۋ. ەلىمىزدىڭ ۇزاق مەرزىمدى ەكونوميكالىق ءوسىمىنىڭ نەگىزىن جاڭا تەحنولوگيالار, جوعارى ەڭبەك ونىمدىلىگى, ازاماتتاردىڭ شىعارماشىلىق باستامالارى قۇرايدى», دەدى پرەزيدەنت. ەندەشە, ءبىز, جاستار, ەلىمىزدىڭ قارقىندى دامۋىنا بەلسەندى اتسالىسۋعا دايىنبىز!
سانيرا ءجۇسىپوۆا,
«Amanat» پارتياسى پاۆلودار وبلىستىق فيليالى «جاستار رۋحى» جاستار قاناتىنىڭ توراعاسى
