سايلاۋ دا جاڭا جاعدايدا ءوتتى. بۇل پرەزيدەنتتىك مەرزىمگە ارنالعان نوۆەللامەن دە بايلانىستى. 2022 جىلدىڭ قىركۇيەك ايىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋ ەنگىزۋ تۋرالى» 2022 جىلعى 17 قىركۇيەكتەگى قازاقستان رەسپۋبليكاسىنىڭ زاڭىنا سايكەس ەل پرەزيدەنتىنىڭ وكىلەتتىگى جەتى جىلدىق ءبىر مەرزىممەن شەكتەلدى.
بۇل نورما كونستيتۋتسيانىڭ وزگەرمەيتىن تارماقتارىنىڭ تىزبەسىنە مەملەكەتتىڭ تاۋەلسىزدىگىمەن, ەلىمىزدىڭ اۋماقتىق تۇتاستىعىمەن, ونى باسقارۋ نىسانىمەن, قازاقستان رەسپۋبليكاسى قىزمەتىنىڭ نەگىزگى قاعيداتتارىمەن قاتار ەنگىزىلدى.
سونىمەن قاتار بۇل سايلاۋدا بارلىعىنا قارسى داۋىس بەرۋ مۇمكىندىگى بار جاڭا نورما ەنگىزىلدى. بۇل قۇقىقتى قازاقستاندىقتاردىڭ 5,8 پايىزى قولداندى. جالپى, 8,3 ملن قازاقستاندىق داۋىس بەرىپ, ءوزىنىڭ ساياسي ەرىك-جىگەرىن ءبىلدىردى.
وسىلايشا, پرەزيدەنت يناۋگۋراتسياسى قازاقستاننىڭ جاڭا ساياسي تسيكلىن ىسكە قوسۋدىڭ سيمۆولدىق سالتاناتتى ءراسىمى دەپ ايتا الامىز. كەلەر جىلى قازاقستاندا جاڭارعان قوعامدىق شارتپەن باستالادى.
تاتيانا ليپينا,
پرەزيدەنت جانىنداعى قسزي اعا عىلىمي قىزمەتكەرى
