كەزدەسۋدە مەملەكەتتىك ورگاندارمەن بىرگە «رودينا» جشس, «زەنچەنكو ي ك» كس, كارتوپ جانە كوكونىس وسىرۋشىلەر وداعى, ماكينسك قۇس فابريكاسى, «ەڭبەك» جشس, قازاقستاننىڭ استىق كونسورتسيۋمى, قازاقستان قوي وسىرۋشىلەر وداعى, «گاليتسكوە» جشس, «DALA-FRUIT.KZ» كومپانيالار توبى, «رايىمبەك اگرو» جشس, كرەديتتىك سەرىكتەستىكتەر قاۋىمداستىعى, «اتامەكەن» ۇكپ جانە باسقا دا ۇيىمدار باسشىلارى اۋىل شارۋاشىلىعى تاۋارىن وندىرۋشىلەردى الاڭداتاتىن جانە اسا وزەكتى ماسەلەلەردى ورتاعا سالدى.
قاتىسۋشىلار سۋبسيديالاردى ءبولۋ جانە ۋاقتىلى بەرۋ, مال شارۋاشىلىعىن دامىتۋ جانە قولداۋ, ۆەتەريناريالىق قاۋىپسىزدىك, اۋىل شارۋاشىلىعى تەحنيكاسىن ساتىپ الۋ, ەكسپورتتىق شەكتەۋلەردى الىپ تاستاۋ جانە ت.ب. سياقتى اگروونەركاسىپ كەشەنى سالاسىنىڭ وزەكتى ماسەلەلەرىمەن قاتار, اۋىل شارۋاشىلىعىن دامىتۋ جونىندەگى ۇسىنىستارىن جەتكىزدى. وتاندىق اگرارلىق عىلىمدى دامىتۋ ماسەلەسىنە دە ەرەكشە نازار اۋدارىلدى.
«ەلىمىزدە ءاربىر شارۋا – ەكسپەريمەنتشى, ال جەكە زەرتتەۋ جۇرگىزۋ وتە قىمباتقا تۇسەدى. مەملەكەت اگرارلىق عىلىمدى دامىتۋعا كوپ قاراجات بولەدى, ۇلتتىق اگرارلىق عىلىمي-ءبىلىم بەرۋ ورتالىعى بار, ول فەرمەرلەردى كوكونىستەردى ەگۋ مەرزىمى, ادىستەرى جانە باسقا دا ەرەكشەلىكتەرى تۋرالى ادىستەمەلەرمەن قامتاماسىز ەتۋى كەرەك», دەدى «ولجا اگرو» جشس باسشىسى ايداربەك حودجانازاروۆ.
ءسۇت ونىمدەرىن وندىرۋشىلەر ءوز تاراپىنان جوعارى رەترو-بونۋستاردى قوساتىن ساۋدا جەلىلەرىنىڭ پراكتيكاسى جايلى ايتتى.
سۇراقتاردىڭ ءاربىر بلوگى بويىنشا ۆيتسە-پرەمەر ەگجەي-تەگجەيلى تۇسىنىكتەمە بەردى.
ء«بىز بارلىق ماسەلەنى بىرلەسىپ تالقىلايمىز, جاقىندا ساۋدا جەلىلەرىمەن كەزدەسۋلەر ۇيىمداستىرامىز, قارجىلاندىرۋ, سۋبسيديالار ءبولۋدىڭ تۇراقتىلىعى مەن باسقا دا ماسەلەلەردى پىسىقتايمىز, ايتىلعان ۇسىنىستار بويىنشا بولەك كەزدەسۋلەر وتكىزەمىز. بارلىق شەشىمدەر مەملەكەت پەن بيزنەستىڭ مۇددەلەرىن ەسكەرە وتىرىپ قابىلداناتىن بولادى», دەپ تۇيىندەدى س.جۇمانعارين.
