تۋريزم • 29 قاراشا، 2022

شىمبۇلاقتاعى شاڭعى ماۋسىمى

39 رەت كورسەتىلدى

قىس حابارى بىلىنەر تۇستا تاۋ جۇپارىمەن تى­­نىستاپ، شاڭعى تەبۋ ءۇشىن الماتىعا اعى­لا­تىن جۇرتتىڭ قاراسى قالىڭدايدى. الاتاۋ باۋ­رايىنىڭ تۋريستىك الەۋەتىن تانىتىپ، قو­ناق­تارىن قۇشاق جايا قارسى الاتىن شىم­بۇ­لاق كەزەكتى رەت قىسقى ماۋسىمىن اشتى.

كونە شاھاردىڭ كوركىنە كوزايىم بولىپ دەمالىس ماۋسىمىن شىمبۇلاقپەن بايلانىستىراتىن شەتەلدىكتەردىڭ دەنىن رەسەي مەن قىتاي ازاماتتارى قۇراسا كەرەك. كورشىلەس قوس مەملەكەتتەن كەيىن وڭ­تۇس­تىككورەيالىقتاردىڭ ۇلەس سالماعى باسىم. سوڭعى ەكى جىلدىڭ ۇلەسىنە كىرەتىن بۇل ستاتيستيكا الەمدەگى كۇردەلى گەوساياسي جاعدايلارعا بايلانىستى بيىل مۇلدە وزگەرۋى مۇمكىن. ەسەسىنە ىشكى ءتۋريزمنىڭ تىنىسى كەڭەيمەك. تۋريزم سا­لاسىنىڭ ساراپشىلارى، پاندەميا بەلەڭ العاننان باس­تاپ وتانداستارىمىز ءوز ەلىنىڭ كو­رىكتى جەرلەرىندە دەمالۋعا دەن قويعاندارىن، وسىنىڭ اسەرىنەن ىشكى ءتۋريزمنىڭ ارناسى كەڭەيگەنىن ايتادى.

بيىلعى ماۋسىمدا كەلۋ­شىلەر جالپى ۇزىندىعى 22 شاقىرىمدى قۇرايتىن 20 شاڭعى مەن شانا جولاعىن پايدالانا الادى. جالپى، شىمبۇلاق تاۋ شاڭعىسى كۋرورتىندا ۇزىندىعى 25 شا­قىرىم بولاتىن ءارتۇرلى قيىن­شىلىقتاعى 14 ەڭىس بار. وسى قىستا شىمبۇلاقتا Almaty Extreme Games جانە Happy Hour Camp فەستيۆالدارىن، سونداي-اق فريستايل موگۋل جانە فريستايل اكروباتيكاسىنان 2022/23 جىل­عى الەم چەمپيوناتىنىڭ گراند فينالىن وتكىزۋ جوسپارلانۋدا.

شىمبۇلاق شاتقالىنا ايدىنداي تايعاناق مۇز جولدارىن جانى سۇيەتىن شاڭ-عىشىلار، شەبەرلىكتەرىمەن تاڭعالدىراتىن سنوۋبوردشىلار كوپتەپ كەلەدى. سەبەبى بۇل جەردە ارنايى وتىر­عى­شى بار كوتەرمە جولدارمەن تەڭىز دەڭگەيىنەن 3163 مەتر بيىك­تىكتەگى تالعار اسۋىنا شىعۋ مۇمكىندىگى بار. مۇن­داعى اسۋ­دان تۇسەتىن جەر وتە تىك بول­عاندىقتان، كا­سىبي شاڭ­عى­شىلار ءۇشىن ارمانعا قانات بىتىرەتىن تاپتىرماس ورىن. ال ەش جەردە قاي­تا­لانبايتىن اتموسفەرادان قالا تۇرعىندارى ەرەكشە رۋحاني كۇش الاتىنىن ايتادى. جايلى كليمات، تو­بەدەن توگىلگەن كۇن شۋاعى، تۇ­راقتى قار جامىلعىسى تا­بيعات-انانىڭ تاڭعاجايىپ سىيى. تابيعات اياسىندا تى­نىستاۋعا تاپتىرماس ورىن كە­لۋشىلەرىن ۇلكەن شاڭعى تراس­­ساسىمەن ءتانتى ەتەدى. ءبىر عا­جابى، شىم­بۇ­­لاقتاعى قا­لىڭ قار قاباتى جەل­توقساننان ءساۋىر ايىنا دەيىن ەرىمەيدى.

 

الماتى

سوڭعى جاڭالىقتار

ۇقساس جاڭالىقتار